Búgin IýNESKO-nyń 41-shi Bas konferentsiiasynyń arnaiy qararymen 2022-2023 jyldarǵa arnalǵan halyqaralyq mereitoilar tizimi qabyldanyp, oǵan Qazaqstannyń usynysymen tiltanýshy, ádebietshi Ahmet Baitursynulynyń 150 jyldyǵy jáne ánshi Roza Baǵlanovanyń 100 jyldyǵy endi, dep habarlaidy QR SIM baspasóz qyzmeti.
Qazaqstannyń Frantsiiadaǵy Elshisi jáne IýNESKO janyndaǵy Turaqty ókili Jan Ǵaliev Bas konferentsiiaǵa usynystarymyzdy qoldaǵany úshin alǵys bildirip, múshe memleketterdi jáne Uiym hatshylyǵyn atalǵan mereitoilar aiasynda elimizde jáne shetelde ótkizilýi josparlanyp otyrǵan is-sharalarǵa qatysýǵa shaqyrdy.
Jalpy, 2022-2023 jyldarǵa arnalǵan tizimge Uiymǵa múshe memleketter usynǵan 67 mereitoi kirdi.
Budan basqa, Bas konferentsiia aiasynda jasyryn daýys berý nátijeleri boiynsha Qazaqstan 2021-2025 jyldar kezeńine IýNESKO-nyń eki sýbsidiarlyq organdarynyń, atap aitqanda, Halyqaralyq gidrologiialyq baǵdarlamanyń (HGB) jáne Kommýnikatsiiany damytýdyń halyqaralyq baǵdarlamasynyń (HBÚK) úkimetaralyq keńestiriniń quramyna sailandy. IýNESKO-ǵa múshe memleketter Qazaqstanǵa bildirgen senimi elimizdiń Uiym qyzmetine qosyp júrgen mazmundy úlesin taný bolyp tabylady.
Aita keteiik, Qazaqstan 1992 jyldyń 22 mamyrynan bastap Bilim, ǵylym jáne mádeniet Birikken Ulttar Uiymynyń (IýNESKO) tolyqqandy múshesi bolyp tabylady. Onymen yntymaqtastyǵymyzdy QR IýNESKO jáne ISESKO jónindegi Ulttyq komissiiasy úilestiredi. Memleketimiz uiym aiasyndaǵy 15 halyqaralyq konventsiianyń tarapy bolyp tabylady. Osy kúnge deiin derekti muranyń «Álem jady» halyqaralyq tizimine – 3, Dúniejúzilik mura tizimine – 5, materialdyq emes mádeni mura tizimine – 11, biosferalyq rezervattar jelisine – 13, estelik datalar kúntizbesine 25 qazaqstandyq usynym engizildi. Elimizde IýNESKO-nyń 5 kafedrasy, 31 qaýymdastyrylǵan mektebi, 50-den astam klýby isteidi.
