«Astana» halyqaralyq qarjy ortalyǵy janynan Zań tehnologiiasyn damytý jónindegi konsýltativti keńes quryldy, dep hahabarlaidy "Ult aqparat" ortalyqtyń baspasóz málimetterine silteme jasap.
Baspasóz málimetterine qaraǵanda, búgin «Astana» halyqaralyq qarjy ortalyǵynyń Basqarýshysy Qairat Kelimbetovtyń qatysýymen jańa qurylǵan Zań tehnologiiasyn damytý jónindegi konsýltativti keńestiń birinshi otyrysy ótti.
«Astana» halyqaralyq qarjy ortalyǵy (AHQO) janynan qurylǵan Konsýltativti keńes ortalyqtaǵy zań tehnologiiasynyń ekojúiesin damytýdy maqsat etedi. Keńestiń qurylýy zań qyzmetteriniń tiimdiligi men sapasyn arttyryp, el azamattarynyń barlyǵyn ashyq etedi.
Sharaǵa AQSh, Niderlandy, Singapýr, Ulybritaniia men Shveitsariiadan konsýltativti keńes quramyna engen quqyq pen zań tehnologiiasy salasyndaǵy bedeldi sarapshylar qatysty.
Konsýltativti keńes zań tehnologiiasy salasynda AHQO men múddeli toptardyń arasynda yntymaqtastyqty damytyp, zań tehnologiiasyna arnalǵan álemdik deńgeidegi normativti quqyqtyq bazany daiyndaý boiynsha usynystar ázirleidi.
Mark Bir, Zań tehnologiiasyn damytý boiynsha Konsýltativti keńestiń Tóraǵasy: «Zań tehnologiiasy 2014 jyldan beri joǵary qarqynmen damyp kele jatyr jáne búginge deiin osy salaǵa 13 mlrd dollar investitsiia salyndy. Investorlar tarapynan zań tehnologiialaryna qyzyǵýshylyqtyń joǵarylyǵy AHQO úshin úlken múmkindikter usynady».
Marat Áitenov, «AHQO Ákimshiligi» AQ Basqarma tóraǵasynyń birinshi orynbasary: «Jańa tehnologiialardyń jedel damyp, adamdardyń ómirine úlken yqpalyn tigizip otyrǵany kúmánsiz. Bul zań tehnologiialaryna da qatysty. Biz quqyqtyń osy bolashaǵy zor baǵytynyń múmkindikterin zerdelep jatyrmyz jáne sol aqyly bolashaqta ózimizdiń óńirlik ónim bolatyn úlgilerimizdi daiyndaimyz dep úmittenemin», - dedi.
