AHQO Soty jáne Halyqaralyq tórelik ortalyǵy (budan ári – «HTO) Reseidiń jetekshi tórelik institýttarymen yntymaqtastyq týraly memorandýmdarǵa qol qoidy, dep habarlaidy "Ult aqparat".
Máskeýde AHQO Sot apparatynyń jáne HTO-nyń tirkeýshisi jáne basshysy búkil Resei boiynsha zań firmalaryn, tájiribeshi zańgerler men akademikterdi biriktiretin Resei tórelik qaýymdastyǵymen (budan ári – «RTQ») memorandýmdarǵa qol qoidy.
Buǵan deiin AHQO soty jáne HTO Reseide kásibi jáne táýelsiz tórelikti damytatyn jáne ilgeriletetin Resei zamanaýi tórelik institýtymen yntymaqtastyq týraly memorandýmdarǵa qol qoiǵan bolatyn.
«Joǵaryda atalǵan qujattar Reseidiń zań jáne tórelik qoǵamdastyqtary arasynda AHQO soty men HTO-nyń yntymaqtastyǵyn jáne óńirlik tanylýyn keńeitedi, sondai-aq óńirdegi kommertsiialyq daýlardy sheshý jónindegi jetekshi alań retinde eki organnyń bedelin kúsheitedi. Quqyqtyq bilim berý jáne kásiptik oqytý, zertteý bastamalary salasynda birlesken jobalardy uiymdastyrý, sondai-aq birlesken aqparattyq kampaniialar AHQO soty men HTO-nyń reseilik seriktesterimen yntymaqtastyǵynyń negizgi baǵyttary bolady», delingen habarlamada.
Qol qoiý protsesi Máskeýdegi arnaiy biznes-tańǵy as sheńberinde ótti, oǵan RTQ músheleri, sondai-aq zań firmalary men korporativtik sektor ókilderi qatysty. Is-shara barysynda qonaqtar óńirdegi tórelik jáne sot isin júrgizý úshin jańa baǵyt retinde AHQO Soty men HTO qyzmetiniń erekshelikterimen tanysty.
«AHQO-daǵy daýlardy sheshý úshin bizdiń alańymyz búkil óńir úshin ashyq. Biz reseilik áriptesterimizdi moiyndaýǵa jáne olarman yntymaqtastyq jasaýǵa qýanyshtymyz. Biz bul yntymaqtastyq kommertsiialyq jáne investitsiialyq daýlardy sheshý úshin dástúrli sot isin júrgizýdiń ekonomikalyq tiimdi balamasy retinde tórelik qyzmetimizdi ilgeriletýge jáne damytýǵa kómektesetinine senimdimiz», - dep túsinikteme berdi AHQO Sot apparatynyń jáne HTO-nyń tirkeýshisi jáne basshysy Kristofer Kempbell-Holt.
«Qazaqstanda jasalǵan nárse meni tań qaldyrýda. HAO jáne AHQO Sotynyń qurylýy – memlekettiń álemdik deńgeidegi sot jáne tórelik institýttaryn qurý jolmen sheteldik investitsiialardy tartýy boiynsha burynǵy Keńes odaǵy aýmaǵyndaǵy keremet úlgi bolyp tabylady», - dedi RTQ Basqarma tóraǵasy Vladimir Hvalei.
Aita keterligi, «Astana» halyqaralyq qarjy ortalyǵy Qazaqstan Respýblikasynyń Tuńǵysh Prezidenti Nursultan Nazarbaevtyń bastamasymen quryldy. AHQO qurý týraly konstitýtsiialyq zańǵa 2015 jylǵy 7 jeltoqsanda qol qoiyldy. AHQO maqsaty – halyqaralyq deńgeidegi qarjylyq qyzmetterdiń jetekshi ortalyǵyn qalyptastyrý.
AHQO mindetteri el ekonomikasyna investitsiialar tartýǵa járdemdesý, qarjylyq qyzmet kórsetý salasynda investitsiialaý úshin tartymdy orta qurý, Qazaqstan Respýblikasynyń baǵaly qaǵazdar naryǵyn damytý jáne onyń halyqaralyq kapital naryqtarymen integratsiialanýyn qamtamasyz etý bolyp tabylady.
AHQO Soty táýelsiz organ jáne Angliia men Ýelstiń jalpy quqyǵy qaǵidattaryna jáne jetekshi halyqaralyq qarjy ortalyqtarynyń standarttaryna negizdelgen.
AHQO Soty birinshi satydaǵy sottan jáne apelliatsiialyq sottan turady. Kúrdeligi men somasy boiynsha bolmashy daýlardy jedel sheshýdi qamtamasyz etý úshin birinshi satydaǵy sotqa bolmashy daýlar soty kiredi.
AHQO soty ákimshilik jáne qylmystyq sot isin júrgizbeidi jáne qatysýshylar, AHQO organdary arasyndaǵy daýlardy, sondai-aq AHQO quqyǵyna sáikes AHQO-da júzege asyrylǵan operatsiialar boiynsha daýlardy sheshýdi qamtamasyz etý úshin erekshe iýrisdiktsiiaǵa ie. Sonymen qatar, AHQO Soty taraptardyń kelisimi boiynsha AHQO Sotyna berilgen daýlardy qarai alady www.aifc-court.kz
AHQO Halyqaralyq tórelik ortalyǵy (HTO) táýelsiz organ jáne Angliia men Ýelstiń jalpy quqyǵy qaǵidattaryna jáne jetekshi halyqaralyq qarjy ortalyqtarynyń standarttaryna negizdelgen. HTO tóreshileriniń quramyna jer qoinaýyn paidalaný, saýda, munai-gaz sektory, qurylys, energetika, Islam qarjylary, banking, ziiatkerlik quqyq, kommertsiialyq jáne azamattyq quqyqtyń basqa da salalaryndaǵy tórelik boiynsha kóp jyldyq tájiribesi bar jetekshi halyqaralyq tóreshiler kiredi.
Al, Resei tórelik qaýymdastyǵy (RTQ) 2013 jylǵy sáýirde Máskeýde quryldy jáne zań firmalarynyń, tájiribeshi zańgerler men ǵylymi qoǵamdastyq ókilderiniń teń quqyly músheligi negizinde áreket etedi. Múshelik nysandarynyń ártúrliligine bailanysty Qaýymdastyq kommertsiialyq daýlardy balamaly sheshý salasymen bailanysty qatysýshylardyń keń aýqymynyń múddelerin bildiredi. Qaýymdastyqtyń negizgi maqsattary Resei men TMD elderinde aralyq sottar men halyqaralyq kommertsiialyq tórelikterdi damytýǵa járdemdesý, Reseidi tórelik orny retinde tanytý, ulttyq jáne halyqaralyq deńgeide reseilik tóreshilerdi jyljytý, sondai-aq daýlardy balamaly sheshý máselelerinde reseilik zańgerlerdiń quzyrettilik deńgeiin arttyrý bolyp tabylady. RTQ IýNSITRAL-dyń (BUU Halyqaralyq saýda quqyǵy jónindegi komissiiasynyń) eki jumys tobynda daýlardy sheshý jáne halyqaralyq investitsiialyq daýlar boiynsha baqylaýshy bolyp tabylady.
