QR Investitsiialar jáne damý ministrliginiń keńesshisi, Islam yntymaqtastyq uiymy elderimen yntymaqtastyq máseleleri jónindegi sarapshy Erlan Baidáýlet QazAqparat tilshisine «Astana» halyqaralyq qarjy ortalyǵyndaǵy islamdyq qarjylandyrýdyń keleshegi jaiynda aityp berdi.
Onyń aitýynsha, Qazaqstan úshin islamdyq bankingtiń birneshe negizgi basymdyǵy bar. Olar: qarjy quraldarynyń seriktestik sipaty, kedeilerdiń paidasyna turaqty qaiyrymdylyq tólemder, airyqsha qajetsingenderdiń qaryzyn shyǵysqa jatqyzý múmkindigi. Islamdyq bankingte qyzmettiń adamgershilikke jatpaityn túrlerine shekteý qoiylyp, zańdy ashyqtyǵy qamtamamyz etilgen, ulty men konfessiiasyna qaramastan barlyq azamattarǵa qyzmettiń qoljetimdiligi. Sonymen qatar sarapshy ózge bankterge qaraǵanda islamdyq bankingtiń taýlarlar men qyzmetterdiń shynaiy sektorymen aradaǵy úzdiksiz bailanysyn atap ótti.
Erlan Baidáýlettiń sózine qaraǵanda, «Astana» halyqaralyq qarjy ortalyǵy 2025 jylǵa deiin 40 mlrd dollar investitsiia tartýdy josparlap otyr. Al onyń ishindegi islamdyq qarjylandyrý úlesi 7 jyldyń ishinde 7-8 mlrd dollarǵa jetýi yqtimal.
«Kelimbetov myrza AHQO KRI boljamdy sanyn 2025 jylǵa deiin 40 mlrd dollar dep málimdegen bolatyn. Demek, ortasha eseppen taiaý 7 jyldyń ishinde jyl saiyn qarjy ortalyǵynyń negizgi 5 qyzmeti boiynsha 5-6 mlrd dollar tartý josparlanýda. Iaǵni, bir baǵytta 1,2 mlrd dollar kóleminde. Bul rette islamdyq qarjylandyrý qyzmetiniń úlesi 7 jylda 7-8 mlrd dollarǵa jýyqtaidy. Oǵan esh kúmán joq», - dedi sarapshy.
Onyń atap ótýinshe, iri investorlar aǵylshyn quqyǵy jáne qajetti táýelsiz sot syndy investorlardyń múddesin qorǵaýǵa baǵyttalǵan ózge de institýttary bar qarjy ortalyǵynyń operatsiialyq turǵyda iske qosylýyn kútýde.
«Olardyń kópshiligimen jeke tanyspyn. Jalpy baǵalaýǵa sáikes, olardyń ǵana aktivi 100 mlrd dollardan asyp jyǵylady. Qazirgi ýaqytta eń bastysy jalpy sannyń sońyna túspei, seriktestik indýstriiasynyń barlyq qajetti ekojúiesin maqsatty túrde quryp, AHQO-nyń barlyq qatysýshylary úshin naqty «oiyn erejesin» bekitý qajet. Biliktiń múddeli tulǵalardyń jalpy qarjy ortalyǵynyń birqalypty ári kelisilgen jumys rejimine qandai da bir aralasýyn boldyrmaý óte mańyzdy. Eger belgilengen merzimnen buryn 40 mlrd dollardan asyp jyǵylatyn bolsa, tań qalmas edim», - dedi Baidáýlet.
