Foto: skrinshot
Jaqynda Túrkistan oblysynda er adamnyń ákesin uryp óltirgeni týraly derek qoǵamda úlken rezonans týdyrǵan edi. Endi kúdiktiniń jubaiyna qatysty da qylmystyq is qozǵalǵany belgili boldy, dep jazady Ult.kz.
Áleýmettik jelilerde taraǵan beinejazbada qariianyń uly tarapynan soqqyǵa jyǵylǵany, betinen qan aqqany anyq baiqalady. Qariia ornynan tura almaǵan soń, er adam áielin shaqyryp, ekeýi aqsaqaldy súirep áketedi. Bul sátti kórshisi jasyryn túrde túsirip alǵan.
Tergeý barysynda ákesin ulynyń soqqyǵa jyqqany rastaldy. Al kelinshegi oǵan toqtaý salmaǵan. Qarttyń óliminen keiin er adamǵa qatysty Qylmystyq kodekstiń 106-baby 3-bóligi boiynsha is qozǵalyp, ol ýaqytsha ustaý izoliatoryna qamaldy.
Kúdiktiniń áieline de qylmystyq is qozǵaldy. Tergeý QK-niń 109-1-baby 2-bóliginiń 3-tarmaǵy («Kinálige kórineý dármensiz kúide bolǵan adamdy uryp-soǵý») boiynsha júrgizilýde.
"Sotqa deiingi tergeý barysynda oqiǵanyń barlyq mán-jailaryn anyqtaýǵa baǵyttalǵan barlyq qajetti tergeý áreketteri júrgiziletin bolady. Olardyń nátijeleri boiynsha tiisti is júrgizý sheshimi qabyldanatyn bolady. Sonymen birge tergeý barysynda ótinishte baiandalǵan barlyq dálelder tekseriledi jáne ol aiaqtalǵannan keiin qylmystyq protsestiń barlyq qatysýshylarynyń is-áreketterine quqyqtyq baǵa beriledi", – dep habarlady Túrkistan oblysy PD.
Politseilerdiń aitýynsha, zeinetkerdi uly men kelini uzaq ýaqyt boiy uryp-soǵyp kelgenimen, marqum nemese basqa týystary tarapynan bul jaǵdai boiynsha quqyq qorǵaý organdaryna eshqandai shaǵym túspegen.
