15 jastaǵy bala ákesiniń aliment tóleýine qatysty máseleni kóterip, onyń naqty tabysyn tekserýdi surady. Ol ákesiniń úsh balaǵa ai saiyn shamamen 40 myń teńge aliment tóleitinin aityp, bul qarajattyń jetkiliksiz ekenin jetkizgen. Ákesi ózine qatysty aitylǵan málimdemelerge jaýap berdi, dep habarlaidy ult.kz.
Balanyń aitýynsha, ata-anasy ajyrasqan, ákesi bólek turady. Onyń eki kishkentai qaryndasy bar. Jasóspirim ákesiniń «Baitaq» jasyldar partiiasynda qyzmet atqaratynyn aityp, resmi jalaqysy shamamen 85 myń teńge retinde kórsetilgenin jetkizdi.
«Ai saiyn 40 myń teńgeni úsh balaǵa bólsek, árqaisymyzǵa shamamen 13 myń teńgeden keledi. Bul bizge jetkiliksiz. Ákemniń jalaqysy shynymen 85 myń teńge me, sony tekserip beretin bireý bar ma?» – deidi ol.
Jasóspirim ákesiniń naqty tabysyna kúmán keltirip, quzyrly organdardan onyń kirisin tekserýdi jáne úsh balaǵa tólenetin aliment mólsheriniń zań talaptaryna sáikestigin anyqtaýdy suraǵan.
Onyń aitýynsha, bul másele «Baitaq» partiiasynyń kóshbasshysy Azamat Ámirtaiǵa da jetkizilgen. Alaida «máseleni sheshemiz» degen jaýaptan keiin partiia tarapynan habar bolmaǵan.
Al «Baitaq» partiiasynyń ókili Álibek Qýanysh balasynyń málimdemesine qatysty pikir bildirdi. Onyń sózin Democrat.kz jariialady.
Álibek Qýanysh otbasyndaǵy jaǵdaidy kópshilik aldynda talqylaǵysy kelmeitinin aitty. Onyń sózinshe, uly men qyzy shamamen úsh jyl boiy onymen birge turǵan, al biyl qańtarda balalardyń anasy olardy ózimen birge alyp ketken.
Ol otbasyndaǵy jaǵdaidy tolyq biletin adamdar – tek otbasy músheleri ekenin aityp, eshkimdi aiyptaǵysy kelmeitinin jetkizdi.
«Barlyq daý-damai másele zań aiasynda, qajet bolsa sot arqyly sheshiledi. Men balalarymdy jaqsy kóremin, árqashan olarǵa qamqor bolyp, qolymnan kelgenshe kómektesip keldim. Aldaǵy ýaqytta da solai bolady», – dedi ol.
Sonymen qatar Álibek Qýanysh partiiadaǵy qyzmetine qatysty túsinikteme berdi. Onyń aitýynsha, ol jeke kásipker, al partiiamen qoǵamdyq eriktilik negizinde jumys isteidi. Iaǵni bos ýaqytynda partiiaǵa baryp, qoǵamdyq jumystarǵa kómektesedi.
Ol partiia tóraǵasy men «Baitaq» partiiasynyń otbasyndaǵy kelispeýshilikke qatysy joq ekenin atap ótti.
Álibek Qýanysh balalaryn óz qamqorlyǵyna alyp, barlyq jaǵdaiyn jasaýǵa daiyn ekenin de málimdedi.
Qazir taraptardyń málimdemeleri arasynda aliment mólsheri men ákesiniń naqty tabysyna qatysty aiyrmashylyq bar. Osyǵan bailanysty jasóspirim quzyrly organdardan jaǵdaidy tekserýdi surap otyr.
