Videodan skrinshot
Mańǵystaýlyq jigit anasynyń ómirine qaýip tónip turǵanyn aityp, halyqtan kómek surady, dep habarlaidy «Ult aqparat» inbusiness.kz-ke silteme jasap.
Mańǵystaýlyq jigit halyqtan kómek surap, Instagram jelisindegi Abdulla_kz paraqshasynda ózi basqa qalada júrgenin jáne kishkentai kezinde ózi de ákesinen psihologiialyq zábir kórgenin aitty.
"Ákem iship alyp anamdy tún ortasynda qýalap sabap, múgedek qylýǵa deiin aparǵan. Bala kezimde meni aiamai uryp, psihologiialyq soqqy jasaǵan. Bala úshin anadan artyq adam joq. Ákeniń jaqsylyǵy jezdedei-aq. Mundai ákeniń barynan joǵy. Bala kúnimde anam ekeýimizdi kezek-kezegimen uryp, tómpeshteitin. Jasy elýge kelse de, anamdy urýyn toqtatar emes. Ákem laiyqty jazasyn alsa eken. Politsiiaǵa tapsyrǵanymyzben eki saǵattan keiin, eshnárse bolmaǵan siiaqty bosatyp jiberedi", – dep aǵynan jaryldy jigit.
Sondai-aq ol óziniń basqa qalaǵa ketip qaita jumysqa ketip qalsa, ákesiniń bul joly anasyna salady dep qorqyp otyr.
"Qazir jumysymmen basqa qalaǵa ketip qalsam, anamdy uryp, óltirip tastai ma dep qorqamyn. Maqsatym – ákemdi túrmege qamatý. Sebebi ol laiyqty jazasyn alýy kerek. Mundai tirandardy qoǵamnan ajyratý qajet. Ol bizben ǵana kóshede ketip bara jatqandarmen de, kórshilerimizben de qyrylǵan. Anamdy túnde tunshyqtyryp, óltirip tastaýǵa deiin bardy. Tańerteń ákem eshnárse bilmeimin, esimdi bilmeimin dep keshirim surap otyr", – dep túiindedi jas jigit.
