Qoǵamda áiel adamnyń rólin kóterý kerek. Bul týraly búgin Ulttyq qoǵamdyq senim keńesiniń tórtinshi otyrysynda keńes múshesi Lázzat Qojahmetova málim etti, dep habarlaidy QazAqparat.
«Qoǵamda otbasy institýtynyń tómendegeni jasyryn emes. Ajyrasýlar kóp, sonyń ishinde ákelerdiń 70 paiyzy aliment tólemeidi eken. Aliment óndirý zańynyń qatańdatylýyn qalaimyz. Ajyrasqan er azamattardyń jaýapkershiligi tómendegen. Sonymen qatar, áiel adamdar mediada zorlyq-zombylyqtyń qurbandary retin elimizde kóp nasihattalady. Ózderin qorǵansyz sezinýde. Soǵan bailanysty qoǵamda áiel adamnyń rólin kóterýge usynys jasaimyz», - dedi L. Qojahmetova.
Osy oraida, ol memlekettik basqarý isinde, kvazimemlekettik sektorda, ulttyq kompaniialarda jetekshi laýazymda isteitin áielder óte az ekenin aitty.
«Eger áiel adam tulǵa retinde qalyptasatyn bolsa, bul balanyń keleshegine, otbasynyń nyǵaiýyna jáne qoǵamnyń damýyna óte úlken serpin ákeletini sózsiz», - dedi keńes múshesi.
