Arhiv 2025 jobasy - jer sharynda shashylǵan qazaqtardyń tarihy jaily derekterdi jinap zertteýge múmkindik beretin biregei joba. Qazaqstan Jazýshylar odaǵy basqarma basshysynyń orynbasary Aqberen Elgezek QR Prezidenti Nursultan Nazarbaevtyń «Uly dalanyń jeti qyry» maqalasy týraly pikirimen bólisti, dep habarlaidy QazAqparat tilshisi.
Onyń aitýynsha, búgingi maqala - qazaq tarihyn júieleýdi jańa kezeńge shyǵaratyn qadam. Búgin barlyq ziialy qaýym ókilderi, tarihshylar úshin qýanyshty kún.
«Qazaqstanda táýelsizdik alǵaly 27 jylda óziniń tól tarihyn saralaýǵa ony júieleýge qalpyna keltirýge úlken talpynystar bolǵan. Mysaly «Mádeni mura» baǵdarlamasynyń ózin alaiyq. Bul baǵdarlama aiasynda tarihi jádigerlerdi qalpyna keltirý, tarihi eskertkishterdi jóndeý siiaqty irgeli jumystar jasaldy. Odan keiin tarih ǵylymyndaǵy teoriialyq keibir máseleleri qalpyna keltirildi. Biraq týra osyndai Elbasynyń maqalasy siiaqty arnaýly úlken baǵyt qamtylmaǵan bolatyn», - dedi aqyn.
Onyń pikirinshe, Elbasy qazaq tarihynda biz uialatyn eshteńe joqtyǵyn taǵy da shegeledi.
«Bizdiń dalamyz tarihy tereńde jatqan úlken memleketterdiń otany, úlken órkenietterdiń altyn besigi bolǵan. Qazaq jeri úlken rýhani, filosofiianyń, ádebiettiń, óner men ilim-bilimniń, tipti dinderdiń bastaýy da bolǵan», - dedi Aqberen Elgezek.
Qalamger óz sózinde Prezident maqalasynan soń biz estimegen jańa tarih paraǵy ashylýy múmkin ekendigin aitty.
«Biz óz tarihymyzdy búginge deiin áli tereń zerttei qoiǵan joqpyz. Osy kúnge deiin biz tarihqa otarlaý kózqarasymen qarap keldik. Tarihi zertteý mektepterimizdiń ózi sovettik, orys tarihnamasy jolymen ketken. Áli kúnge deiin soǵan alańdap turady. Al Elbasynyń buǵan qatysty jazǵan maqalasy oi erkindigi, zertteý erkindigin beredi. Shynymen de táýelsiz qazaq óz tarihymyzdy ózimiz ashyp turyp qaraityn múmkindik. Sebebi kez-kelgen memlekette tarihi saiasat degen uǵym bolady. Memleket óz tarihyna nazar aýdarmaityn bolsa árkim ártúrli jazady. Tarih júieleýdi qajet etedi. «Arhiv 2025» arnaiy jobasy - jer jahanda shashylǵan qazaq tarihy jaily derekterdi jinap zertteýge múmkindik beretin dúnie. Bul jobalar iske asatyn bolsa, biz tipti ózimiz estimegen, bilmegen jańa tarih kýágeri bolýymyz múmkin. Sol sebepti biz ózimizdiń ejelgi tarihymyzǵa, ejelgi dúnie tarihyna, erte orta ǵasyr tarihyna, qazirgi zaman tarihyna derekterdi jinaityn bolsaq qana óz tarihymyzdy júieleitin bolamyz. Al bizdiń tarih - kez-kelgen ult tarihynan esh jeri artyq bolmasa, kem emes. Bul maqala tarihi sanamyzǵa silkinis beretini ras. Tarihi sanasy qalyptaspaǵan eldiń bolashaqtaǵy beinesi solǵyn kórinedi», - dedi ol.
Aita ketý kerek, búgin QR Prezidenti Nursultan Nazarbaev «Uly dalanyń jeti qyry» atty maqalasyn jariialaǵan bolatyn.
