Qazaqstan Jazýshylar odaǵy tóraǵasynyń birinshi orynbasary, aqyn Aqberen Elgezek Eurasin Book Fair-2022 halyqaralyq kitap jármeńkesiniń qarsańynda ótken baspasóz máslihatynda málimdedi, dep habarlaidy Baq.kz portaly.
"Byltyr bir ǵana Almaty qalasynyń ózinde 130-dan astam kórkem ádebiet kitaptary shyqty. Eurasin Book Fair-2022 kórmesine solardy ákelip qoiamyz. Jalpy mundai kórmeler ne úshin uiymdastyrylady? Eń áýeli, oqyrman qaýymǵa qazirgi kitap shyǵarý salasynda qandai jańalyq baryn tanytý, jańadan shyqqan kitaptardy tanystyrý. Ekinshiden, baspagerler arasynda tájiribe almasý", - dep atap ótti Aqberen Elgezek.
Ol Jazýshylar odaǵy eldegi kórkem ádebiet nasihattalatyn kez kelgen sharanyń basy-qasynan tabylady dep otyr.
"Condai-aq kitap jármeńkesi – kitap oqý mádenietin qalyptastyratyn birden-bir format. Mysaly, álemdik tájiribege kóz júgirtsek, London kitap jármeńkesi, Frankfýrt kitap jármeńkeleri ótkiziledi. Onyń bári ne úshin ótedi? Kitap oqý mádenietin qalyptastyrýdy alǵa qoiady", - dedi belgili aqyn.
