Foto: KTK arnasy
Atyraýda oblysyndaǵy eldi dúrliktirgen oqiǵanyń mán-jaiyn anyqtaý úshin arnaiy barǵan jýrnalist Janat Moldashova buryn kópshilikke belgisiz bolǵan derekterdi jariialady, dep habarlaidy Ult.kz.
Jýrnalist Instagram jelisindegi resmi paraqshasynda kúdiktiniń jubaiy Aqbaian Muqanǵalievanyń densaýlyǵyna qatysty málimetti bólisti. Onyń aitýynsha, bul aqparatty resmi mekemelerden naqtylaǵan.
"Politsiia asa aýyr qylmysqa kúdikti Sultan Sársemaliev ekenin búgin ǵana resmi jariialady. Áieli Aqbaian Muqanǵalieva psihdispanserde esepte tur.
Osyǵan deiin quzyrly organdar Aqbaian Muqanǵalieva men Sultan Sársemaliev densaýlyǵyna bailanysty esh jerde esepte joq dep edi. Búgin Aqbaiannyń júike aýrýyna shaldyqqanyn, esepte turǵanyn Densaýlyq saqtaý basqarmasynan bildim", – dep jazdy jýrnalist.
Atalǵan derekke qatysty resmi organdar tarapynan ázirge qosymsha túsinikteme berilgen joq. Tergeý sharalary jalǵasyp jatyr.
