Tanymal rejisser Aqan Sataev saqtardyń kóshbasshysy - Tumar hanshaiym týraly tarihi filmdi túsirýdi josparlap júr, - dep habarlaidy Ult.kz tilshisi QazAqparat portalyna silteme jasap.
«Iá, dál osy kinony túsirýge úlken niet bar. Biz álemdik tarihty ózgertken tulǵalar týraly tarihi filmderdi túsirýimiz kerek. Osyny tiisti deńgeide, halyqaralyq dárejede jasai alatyn bolsaq, halyqtyń kóńilinen shyǵyp qana qoimai, filmge ketken shyǵyndy da tolyǵymen aqtai alamyz. Ondai kartinalardy Taiaý Shyǵys, Amerika jáne taǵy basqa elderge halyqaralyq prokatqa shyǵarýǵa bolady», - dedi Sataev QazAqparat tilshisine bergen suhbatynda.
Onyń aitýynsha, búginde filmniń sinopsisi, iaǵni stsenariidiń qysqartylǵan nusqasy daiyn. Qarjy máselesi áli sheshilmegen. Degenmen, rejisser túsirý jumystaryn aǵymdaǵy jyldan qalmai bastaýǵa nietti.
Aita keteiik, saq patshaiymy Tumardyń esimi ejelgi jazbalarda Tomiris dep kórsetilgen. B.z.d. 530-529 jyldary Midiia eliniń patshasy Kir kóptegen elderdi ózine baǵyndyryp, «Aziia ámirshisi» ataǵyna ie bolyp, Uly Dalaǵa qarsy joryqqa shyqty. Shaiqastardyń birinde Kir patshasy Tomiristiń jubaiy Rýstamdy óltirip, Tumardyń balasy Sypyrdy qolǵa túsirgen. Tutqynda Tomiristiń uly da mert boldy. Al Kir kóshpendiler eline elshi attandyryp, olardyń hanshasyna ózine turmysqa shyǵýyn surady. Sonymen birge, bir halyqqa beibit jolmen birigý týraly usynys jasady. Tumar Kir patshasynyń usynysyn qabyldamai, onyń qanǵa toimas basyn qanǵa tunshyqtyrýdy ýáde etedi. Aqyry, sózine turǵan patshaiym parsylarǵa qarsy urys júrgizip, jeńiske jetedi. Sol kezde Tumar parsylardyń patshasy Kirdiń basyn shaýyp alyp, qan toltyrylǵan sabaǵa tyǵyp: «Ańsaǵanyń qan edi, ish endi sony!» - dep aiqailady.
Bul oqiǵany grek tarihshysy Gerodot «eń keskilesken jáne uly shaiqas» dep sýrettegen.
