Búgin Qazaqstan Respýblikasy Mádeniet jáne sport ministriniń buiryǵymen Sháken Aimanov atyndaǵy «Qazaqfilm» AQ prezident bolyp Aqan Sataev taǵaiyndaldy, dep habarlaidy «Ult aqparat».
Bul týraly aqparat ministrliktiń Facebook paraqshasynda jariialandy.
Atalǵan ujymǵa jańa basshyny Mədeniet jəne sport vitse-ministri Nurǵisa Dáýeshov tanystyryp, aldaǵy qyzmetine səttilik tiledi.
Aita keteiik, bul qyzmetti buǵan deiin Arman Asenov atqarǵan bolatyn.
Aqan Qarǵambaiuly Sataev 1971 jyly Qaraǵandy qalasynda dúniege kelgen. 1994 jyly Almaty qalasyndaǵy T.Júrgenov atyndaǵy Qazaq ulttyq óner akademiiasynyń kino jáne televidenie fakýltetin təmamadaǵan.
2003 jyly «Sataifilm» stýdiiasynyń negizin qalap, 2007 jyly «Reketir» atty alǵashqy tolyqmetrajdy filmin, «Adasqan» mistikalyq trillerin (2009), «Aǵaiyndy» serialyn (2009), «Likvidator» psihologiialyq dramasyn (2011), «Jaýjúrek Myń bala» tarihi filmin (2012) túsirgen. Sondai-aq «Raiony» kriminaldyq dramasy men «Anaǵa aparar jol» tarihi dramasynyń (2016), «Biznesmeny» (2018), «Tomiris» (2019) jəne taǵy basqa týyndylardyń rejisseri.
2014 jyly kinoindýstriia salasynyń úzdik ókili retinde «Halyq súiiktisi» ulttyq syilyǵyna ie boldy. 2016 jyly jas rejisserlerdi qoldaýǵa baǵyttalǵan Astana Film Found qorynyń negizin qalaǵan.
