Foto: ashyq derekkóz
Tanymal prodiýser ári rejisser Aqan Sataev burynǵy jary Naziraǵa qatysty áleýmettik jelide ashyq málimdeme jasady, dep habarlaidy Ult.kz.
Ol bul qadamǵa sońǵy ýaqytta aitylǵan tosyn pikirler men túrli qaýesetterge núkte qoiý úshin barǵanyn aitty.
"Bizdiń ajyrasýymyzdyń sebepteri naqty ajyrasýdan jáne nekeni resmi túrde buzýdan áldeqaida buryn qalyptasqan. Bul tek ózara jeke kelispeýshilikter men qarym-qatynasqa bailanysty boldy. Úshinshi tulǵalar ajyrasýǵa sebep te, syltaý da bolǵan emes. Biz bul máseleni birneshe ret talqylap, eki jaqty sheshimge keldik. Árine, bul týraly balalarymyzben de ashyq sóilestik.
Ajyrasýǵa deiin de, ajyrasý barysynda da, odan keiin de Nazira ajyrasýdyń sebebi retinde basqa bir adamdy, onyń ishinde Almirany ataǵan emes. Qazirgi aitylyp jatqan málimdemeler men úshin kútpegen jaǵdai boldy ári qoǵam pikirine yqpal etýge baǵyttalǵan áreket siiaqty kórinedi. Onyń ústine, Naziranyń ózi osy suhbatynda bizdiń qarym-qatynasymyzdaǵy túsinbeýshilikter 2016 jyldan bastalǵanyn, iaǵni "Tomiris" filminiń túsiriliminen áldeqaida buryn paida bolǵanyn aitady.
Ajyrasýǵa, keiingi turmysqa, balalardy tárbieleý men olarmen qarym-qatynas jasaýǵa qatysty barlyq máseleler aldyn ala meniń, Naziranyń jáne balalardyń arasynda tolyq talqylanyp, kelisilgen.
Men Naziraǵa balalarmen birge osy úide turýdy birneshe ret usyndym. Alaida ol óz erkimen bólek turýdy tańdady. Qalai bolǵanda da, bul úi bolashaqta balalarǵa mura retinde qaldyrylady.
Men Naziraǵa onyń ózi tańdaǵan úsh bólmeli páterdi satyp alyp, jeke menshigine rásimdep berdim, avtokólikti qaldyrdym, sondai-aq qarjylai qoldaý kórsetip, óz mindetterimdi áli de oryndap kelemin.
Balalar menimen birge turýdy qalady. Qazirgi ýaqytta olar meniń qaraýymda. Al úlken qyzdarym turmysqa shyǵyp, óz ómir jolyn bastap ketti.
Men eshqashan balalardyń anasy Naziremen aralasýyna kedergi keltirgen emespin jáne keltirmeimin. Balalardyń onymen birge turý múmkindigi boldy jáne qazir de bar. Alaida olar úshin osy úide turý áldeqaida jaily.
Kelisilgen barlyq mindettemelerimdi tolyq oryndadym", – dep jazdy Aqan Sataev.
Buǵan deiin rejisserdiń jary Doris esimdi boijetkenmen birge turyp jatqanyn aitty.
