«Aq jol» partiiasy quryltai ótetin kúndi belgiledi. Búgin bul sheshimdi Qazaqstannyń Demokratiialyq partiiasy Ortalyq Keńesiniń plenýmy qabyldady.
Esterińizge sala keteiik, buǵan deiin «aqjoldyqtar» Memleket basshysynyń merziminen buryn prezidenttik sailaý jónindegi bastamasyn qoldaǵan bolatyn.
Jarǵyǵa sáikes, partiianyń sailaýǵa qatysýy jáne prezidenttik sailaýǵa úmitkerlerdi usyný týraly sheshimdi tek joǵarǵy organ – sezd qabyldaidy.
Osyǵan bailanysty, Ortalyq keńestiń plenýmy sezdiń ótetin kúnin aǵymdaǵy jylǵy 24 sáýirge belgiledi. Sondai-aq, delegattar ókildikteriniń normasyn bekitip, uiymdastyrý máseleleri boiynsha birqatar qaýly qabyldady.
Plenýmnyń jumysy jalǵasýda – «Aq jol» partiiasynyń atynan prezidenttik sailaýǵa túsetin úmitkerge qatysty usynymdardy talqylaý júrip jatyr.
