Resei Ýkraina aýmaǵynyń basym bóligin anneksiialaýǵa daiyndalyp jatyr, - dep málimdedi AQSh prezidenti janyndaǵy Ulttyq qaýipsizdik keńesiniń ókili Djon Kirbi.
Kirbi Amerika barlaýyna súiene otyryp, "Kreml Herson, Zaporoje jáne Donbasty tolyǵymen Reseidiń bir bóligi dep jariialamaqshy" deidi.
"Resei óz baqylaýyna alǵan Ýkrainanyń bir bóligine óz adamdaryn taǵaiyndap jatyr. Eń birinshi olar basyp alǵan jerlerde shartty túrde referendým ótkizedi", - dedi Kirbi.
Aq úi ókiliniń sózinshe, Reseidiń Ýkrainaǵa shabýyl jasaýdaǵy nieti barlaý qyzmetiniń boljamdarymen sáikes kelip otyr.
"Reseidiń Ýkraina aýmaǵynyń jartysyn anneksiialaý áreketi BUU jarlyǵyn óreskel buzǵan bolyp esepteledi ári bul áreketi úshin jazaǵa tartylmai qoimaidy", - dep eskertti Kirbi.
Ol Kremlge qarsy jańadan, óte qatal sanktsiialar engiziletinin jáne Máskeýdiń barlyq josparyn áshkereleitinin de eskertti.
AQSh taiaý kúnderi Ýkrainaǵa HIMARS júielerin taǵy jiberetinin málimdemek.
