AQSh ishki qaýipsizdik ministrligi barlyq úkimet mekemelerine reseilik "Kasperskii laboratoriiasy" kompaniiasynyń baǵdarlamalyq ónimderin qoldanýǵa tyiym saldy, dep jazady "Ult aqparat" Azattyqqa silteme jasap.
30 kún ishinde bul kompaniianyń barlyq anitvirýstyq baǵdarlamalaryn anyqtap, 90 kún ishinde olardy paidalanýdy toqtatý týraly buiryq túsken.
Aq úi Máskeýde ornalasqan "Kasperskii laboratoriiasy" kompaniiasy qyzmetkerleriniń keibiri Resei barlaý qyzmetimen jáne basqa da úkimettik vedomstvolarmen bailanysy bar bolýy yqtimal bolǵandyqtan ulttyq qaýipsizdikkke qater tóndiredi dep alańdaidy.
AQSh prezidenti Donald Tramptyń ákimshiligi mundai sheshimdi amerikalyq barlaý qyzmeti Resei 2016 jyly AQSh-ta ótken prezident sailaýy barysyna internet arqyly kiligip, yqpal etpek boldy degen uiǵarymynan soń qabyldap otyr.
"Kasperskii laboratoriiasy" sońǵy aida birneshe ret AQSh biliginiń aiyptaýyn joqqa shyǵarǵan.
