Foto: Patrick Semansky / AP Phot
Aq úi Baidenniń densaýlyǵyna qatysty alańdaýshylyqty joqqa shyǵardy, -dep habarlaidy "Ult Aqparat".
Aq úi AQSh prezidenti Djo Baidenniń densaýlyǵyna qatysty alańdaýshylyqty seiiltáp, jýrnalisterge prezident Parkinson aýrýymen aýyrmaitynyn, mundai dert qozǵalys pen sóileýdiń buzylýyn týdyrýy múmkin ekenin jáne júieli tekserýler onyń júike júiesiniń jumysynda eshqandai buzylýlar tappaǵanyn aitty.
"Prezident Parkinson aýrýynan emdeldi me? Joq. Ol Parkinson aýrýymen emdeledi me? Joq, emdelmeidi. Ol Parkinson aýrýyna qarsy dári qabyldai ma? Joq", - dedi Aq úidiń baspasóz hatshysy Karin Jan-Per dúisenbidegi brifingte.
Jýrnalisterdiń kópshiligi nevropatolog jáne Parkinson aýrýy boiynsha maman Kevin Kannardtyń Aq úige barýyna qyzyǵýshylyq tanytty.
Amerikandyq BAQ Vashington mańyndaǵy Ýolter Rid Ulttyq áskeri meditsinalyq ortalyǵynda jumys isteitin Kannard ótken tamyzdan 2024 jyldyń naýryzyna deiin Aq úige segiz ret barǵanyn habarlaidy.
Bul saparlar jalpyǵa qoljetimdi saparlar jýrnalynda tirkeldi. Kezdesýlerdiń birinde Prezidenttiń emdeýshi dárigeri Kevin O ' Konnor kelýshi retinde kórsetilgen.
.jpg)