Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Saiasat

Aq úi Baiden men Pýtinniń 7 jeltoqsanda ne týraly sóilesetinin aitty

Ult portaly
Aq úi Baiden men Pýtinniń 7 jeltoqsanda ne týraly sóilesetinin aitty


AQ úidiń baspasóz hatshysy Djen Psaki 7 jeltoqsanda AQSh prezidenti Djo Baiden men Resei prezidenti Vladimir Pýtin arnaiy qorǵalǵan videobailanys arqyly sóilesetini týraly BAQ-ta taraǵan habardy rastady. Eki el basshysynyń áńgimesi Ýkraina tóńiregindegi jaǵdai kúrt ýshyqqan kezinde bolǵaly tur.

AQ úidiń habarynsha, qos prezident AQSh-Resei qatynastarynyń túrli máselelerin, sonyń ishinde strategiialyq turaqtylyq, kiberqaýipsizdik pen aimaq máselelerin talqylaidy.

"Prezident Baiden Resei áskeriniń Ýkraina shekarasy mańyndaǵy áreketteri AQSh-ty alańdatatynyn jáne AQSh-tyń Ýkraina egemendigi men aýmaqtyq tutastyǵyn qoldaitynyn aitady", – deidi Aq úi habary.

Eki prezidenttiń videoformatta sóilesetinin buǵan deiin Kreml habarlaǵan. Resei prezidentiniń kómekshisi Iýrii Ýshakov Baiden men Pýtin virtýaldy sammitte Aýǵanstandaǵy jaǵdaidy, Iranmen atom kelissózi máselesin jáne AQSh-Resei qatynastaryn talqylaidy degen bolatyn.

Senbi kúni Pýtinniń baspasóz hatshysy Dmitrii Peskov ta eki prezident memleketaralyq qatynastardy talqylap, Jenevadaǵy maýsym sammitinde jasalǵan kelisimderdiń oryndalýy týraly sóilesedi degen edi.

Juma kúni Baidenniń ózi "Amerika Qurama Shtattary Ýkraina máselesi sóz bolǵanda Resei tarapynyń qandai da bir "qyzyl syzyǵyn" qabyldamaitynyn, Kremldiń agressivti áreketterin toqtatýǵa baǵyttalǵan birqatar bastamalar qolǵa alyp otyrǵanyn aitqan. Buǵan deiin Pýtin Ýkrainanyń NATO-ǵa kirý múmkindigi men Ýkrainada NATO-nyń áskeri infraqurylymynyń ornalastyrylýyn Resei "qyzyl syzyq" dep sanaitynyn aitqan edi.

Ýkraina qarýly kúshteriniń qolbasshylyǵy Resei Ýkrainamen shekarasynda 94 myńdyq ásker ustap otyr dep sanaidy. Keiingi kezderi AQSh-tyń áskeri barlaý qyzmeti Reseidiń áskeri toptary shamamen 70 myńǵa jaqyn, tipti 175 myń soldat pen ofitserge jetýi múmkin degen.

AQSh pen Germaniianyń birqatar BAQ-tary barlaý qyzmetine siltei otyryp, aldaǵy qańtar-aqpan ailarynda Resei Ýkrainaǵy basyp kirýi múmkin dep jazǵan bolatyn.

Barlaýdyń mundai málimetteri týraly senbide Ýkraina qorǵanys ministri Aleksei Reznikov ta habarlaǵan. Máskeý "mundai josparymyz joq, áskerimizdi óz jerimizde qaida ornalastyratynymyzdy ózimiz bilemiz" dep jaýap bergen.

Oqi otyryńyz