اق ٷيدٸڭ باسپاسٶز حاتشىسى دجەن پساكي 7 جەلتوقساندا اقش پرەزيدەنتٸ دجو بايدەن مەن رەسەي پرەزيدەنتٸ ۆلاديمير پۋتين ارنايى قورعالعان ۆيدەوبايلانىس ارقىلى سٶيلەسەتٸنٸ تۋرالى باق-تا تاراعان حاباردى راستادى. ەكٸ ەل باسشىسىنىڭ ەڭگٸمەسٸ ۋكراينا تٶڭٸرەگٸندەگٸ جاعداي كٷرت ۋشىققان كەزٸندە بولعالى تۇر.
ەكٸ پرەزيدەنتتٸڭ ۆيدەوفورماتتا سٶيلەسەتٸنٸن بۇعان دەيٸن كرەمل حابارلاعان. رەسەي پرەزيدەنتٸنٸڭ كٶمەكشٸسٸ يۋريي ۋشاكوۆ بايدەن مەن پۋتين ۆيرتۋالدى سامميتتە اۋعانستانداعى جاعدايدى, يرانمەن اتوم كەلٸسسٶزٸ مەسەلەسٸن جەنە اقش-رەسەي قاتىناستارىن تالقىلايدى دەگەن بولاتىن.
سەنبٸ كٷنٸ پۋتيننٸڭ باسپاسٶز حاتشىسى دميتريي پەسكوۆ تا ەكٸ پرەزيدەنت مەملەكەتارالىق قاتىناستاردى تالقىلاپ, جەنەۆاداعى ماۋسىم سامميتٸندە جاسالعان كەلٸسٸمدەردٸڭ ورىندالۋى تۋرالى سٶيلەسەدٸ دەگەن ەدٸ.
جۇما كٷنٸ بايدەننٸڭ ٶزٸ "امەريكا قۇراما شتاتتارى ۋكراينا مەسەلەسٸ سٶز بولعاندا رەسەي تاراپىنىڭ قانداي دا بٸر "قىزىل سىزىعىن" قابىلدامايتىنىن, كرەملدٸڭ اگرەسسيۆتٸ ەرەكەتتەرٸن توقتاتۋعا باعىتتالعان بٸرقاتار باستامالار قولعا الىپ وتىرعانىن ايتقان. بۇعان دەيٸن پۋتين ۋكراينانىڭ ناتو-عا كٸرۋ مٷمكٸندٸگٸ مەن ۋكراينادا ناتو-نىڭ ەسكەري ينفراقۇرىلىمىنىڭ ورنالاستىرىلۋىن رەسەي "قىزىل سىزىق" دەپ سانايتىنىن ايتقان ەدٸ.
