Jolaýshylardyń aitýynsha, Almatydan Oralǵa baǵyt alǵan reis kezinde eki jolaýshynyń dene qyzýy kóterilip, qusqan, dep habarlaidy "Ult aqparat".
"Ýralskaia nedelia" basylymynyń málimetinshe, reseilik er adam men áiel ózin nashar sezingen soń ushaq qonǵannan keiin sanitarlyq epidemiologtar bortqa kóterilip teksergen.
"Bizdi eki saǵat boiy ushaqtan shyǵarmady. Keiin barlyq jolaýshyny jiberdi", – dedi sondaǵy áiederdiń biri.
Oraldaǵy oblystyq júupaly aýrýlar aýrýhanasy eki naýqastyń kelip túskenin rastady.
"Túnde bizge Reseidiń eki azamatyn jetkizildi. Anamnez, epidemiologiialyq anamnez jáne klinikalyq tekserýden keiin olardan tyrysqaq anyqtalmady. Ekeýiniń de jaǵdaiy qanaǵattanarlyq. Olar Saratov oblysyndaǵy ózderiniń turǵylyqty jerine attanyp ketti", – dedi oblystyq juqpaly aýrýlar aýrýhanasynyń direktory Nadiia Ahmetova.
Buǵan deiin "AirAstana" áýe kompaniiasynyń ushqyshy Almatydan ushar aldynda esirtki tutynǵany úshin ustalǵan edi.
