Foto: Freepik.com
Air Astana 12 jastaǵy Zere Ǵalieva esimdi qyz balanyń isi boiynsha appeliatsiiadan utyldy. Bul týraly balanyń advokaty Danilhan Shaǵataev málimdedi, dep habarlaidy Ult.kz.
Búgin Air Astana-nyń Almaty qalasy Túrksib aýdandyq sotynyń sheshimine túsirgen appeliatsiialyq shaǵymyn qaraý aiaqtaldy.
"Tasymaldaýshy moraldyq ótemaqyny 5 millionnan 1,5 million teńgege deiin tómendetýdi surady. Alaida Almaty qalalyq sotynyń sot alqasy apelliatsiialyq shaǵymdy qanaǵattandyrýdan bas tartyp, birinshi sottyń sheshimin kúshinde qaldyrdy", – dep málimdedi otbasynyń advokaty Danilhan Shaǵataev.
"Zere Ǵalievanyń anasy alǵashqy sot úkim etkendei 5 mln teńge moraldyq shyǵyn alady degen sóz, - deidi advokat.
Qorǵaýshy osy bir daýly istiń núktesi qoiylyp, onda jeńip shyqqandaryna qýanyshty ekenin jetkizgen.
Onyń sózinshe sot qaýlysy zańdy kúshine endi. Bul keis aldaǵy ýaqytta jaqsy úlgi bolatyny sózsiz.
Eske salsaq, byltyr shildeda FlyArystan loýkosteriniń reisine Oralǵa ushpaq bolǵan 12 jastaǵy qyz jiberilmei, Astana áýejaiynda jalǵyz qalǵany aitylǵan. Bul onyń ata-anasynyń narazylyǵyn týǵyzyp, FlyArystan loýkosteri qarasty Air Astana áýe kompaniiasyn sotqa bergen.
