Air Arabia reisiniń jolaýshylary basqa ushaqtarmen ushyp shyǵatyn boldy, - dep habarlaidy "Ult aqparat" Azamattyq aviatsiia komitetine silteme jasap.
AAK málimeti boiynsha, Air Arabia áýe kompaniiasynyń Astana-Shardja baǵytyndaǵy reisi 6 qańtar kúni saǵat 04.55-te ushyp shyǵýy tiis bolǵan. Alaida tehnikalyq sebepterge (áýe kemesiniń júk salǵysh bóliginde esiktiń tutqasy qatyp qalǵan) bailanysty, ushýdaǵy qaýipsizdikti saqtaý maqsatynda reis 2018 jyldyń 6 qańtary kúngi saǵat 20.10-ǵa aýystyryldy. Qonaqúi qajet bolǵan 50-ge jýyq adam qonaqúilerge ornalastyrylyp, tamaq pen sýsyn berildi.
"Saǵat 18.00-den bastap jolaýshylardy qonaqúiden áýejaiǵa jetkizý jumystary uiymdastyryldy. Jolaýshylardy bortqa otyrǵyzǵannan keiin, ushyrý aldynda tekseris júrgizilip, qozǵaltqyshtardyń birinde tehnikalyq aqaýdyń bar ekeni anyqtaldy. Injener men synyp qalǵan jerdi jóndeýge qajetti bólshekterdi Air Arabia G9-251 reisi 8 qańtarda saǵat 03:55-te jetkizedi dep kútilýde", - dep habarlandy komitettiń Facebook jelisindegi paraqshasynda.
"Air Arabia áýe kompaniiasynyń habarlaýy boiynsha, jolaýshylardyń bir bóligi Shardjaǵa Air Arabia reisi arqyly 8 qańtarda saǵat 05.00-de Almatydan ushyp shyǵady (iaǵni, jolaýshylar Almatyǵa qazaqstandyq áýe kompaniialardyń reisimen Air Arabia esebinen ushyp keledi) jáne qalǵan jolaýshylar Air Arabia áýe kompaniiasynyń reisimen 8 qańtarda saǵat 04.55-te basqa ushaqpen ushyp shyǵady", - dedi komitettegiler.
