Májilis depýtaty Ashat Aimaǵambetov Nazarbaev Ziiatkerlik mektepteri (NZM) men Nazarbaev ýniversitetine qatysty qoǵamda jii aitylatyn eki pikirdiń shyndyqqa sáikes kelmeitinin málimdedi, dep habarlaidy ult.kz.
Onyń aitýynsha, bul bilim berý uiymdaryna «tym kóp qarjy bólinedi» jáne «túlekteriniń barlyǵy shetelge ketedi» degen pikirler shyndyqqa janaspaidy.
Aimaǵambetovtiń sózinshe, NZM men Nazarbaev ýniversitetine bólinetin qarjy kólemi, kerisinshe, azaiyp keledi jáne ony kóbeitý qajet.
Sondai-aq depýtat túlekterdiń basym bóligi Qazaqstanda qalyp, bilim alyp, eńbek etip júrgenin atap ótti.
«Bul – elimizdiń eń qabiletti, eńbekqor ári patriot jastarynyń úlken bóligi. Tabiǵi resýrstar taýsylady. Al bilimge salynǵan investitsiia ulttyń bolashaǵyna qyzmet etedi», – dep jazdy Ashat Aimaǵambetov.
