Májilistiń jalpy otyrysynda «Qazaqstan men Aziia Infraqurylymdyq Investitsiialar Banki arasyndaǵy Qaryz týraly kelisimdi ratifikatsiialaý týraly» zań jabasy maquldandy, dep habarlaidy "Ult aqparat".
«2020 jylǵy 13 tamyzdaǵy №386 QR Prezidentiniń Jarlyǵyna sáikes 661 mln 800 myń eýro somasyndaǵy Qazaqstan Respýblikasy men Aziia Infraqurylymdyq Investitsiialar Banki arasyndaǵy Qaryz týraly kelisimge qol qoiyldy. Qaryz biýdjet tapshylyǵyn qarjylandyrýǵa baǵyttalatyn bolady. Iaǵni COVID-19 pandemiiasynyń saldaryna qarsy kúres jáne ekonomikany qalpyna keltirý boiynsha QR Úkimetiniń sharalaryn qoldaýǵa múmkindik beredi.
Qaryz 3 jyldyq jeńildikti kezeńdi qosa alǵanda, 10 jyl óteý merzimine beriledi. Syiaqy mólsherlemesi ‒ Eýribor+0,50%», - dedi QR Qarjy ministri Erulan Jamaýbaev.
Kelisimde belgilengen qarjylyq sharttarǵa sáikes, qaryzǵa qyzmet kórsetý jáne ony óteý respýblikalyq biýdjet qarajaty esebinen júzege asyrylatyn bolady.
«Kórsetilgen qarajatty tartý biýdjettiń bekitilgen tapshylyǵy jaǵdaiynda óte mańyzdy bolyp otyr. Bul qarajat Aziia Infraqurylymdyq Investitsiialar Bankiniń pandemiiaǵa qarsy kúres jónindegi arnaiy baǵdarlamasy aiasynda Qazaqstan Respýblikasy úshin rezervtelip qoiylǵan», - dedi ministr.
