Kolýmbiianyń Kindio óńirinde 67 jastaǵy Miriam esimdi áiel birneshe jyl boiy kórshileriniń ómirinde bolyp jatqan oqiǵalardyń bárin dápterine jazyp kelgen, dep habarlaidy ult.kz.
Ol aýdan turǵyndarynyń otbasylyq janjaldaryn, jasyryn qarym-qatynastaryn jáne basqa da jergilikti oqiǵalardy tirkep otyrǵan. Keiin Miriam bul jazbalarynan aqsha tabýdyń jolyn oilap tapqan.
Áiel óz dápterindegi málimetterdi oqyǵysy kelgen adamdardan aqy ala bastaǵan. Baǵasy da ár áńgimeniń qanshalyqty qyzyqty ári daýly bolǵanyna qarai ózgerip otyrǵan.
Bul is oǵan qomaqty qosymsha tabys ákelip, armandaǵan úiin satyp alýǵa múmkindik bergen. Buqaralyq aqparat quraldarynyń málimetinshe, keiin onyń taǵy bir jyljymaityn múlik satyp alǵany da aitylǵan.
Miriamnyń oqiǵasy áleýmettik jelide qyzý pikirtalas týdyrdy. Biri ony tabys tabýdyń tapqyr jolyn tapqan áiel dep baǵalasa, endi biri ózgeniń jeke ómirin aqshaǵa ainaldyrýdy ádepsizdik dep sanaidy.
