«Táýelsizdik urpaqtary» atty respýblikalyq jastar forýmynda QR Aqparat jáne qoǵamdyq damý ministri Aida Balaeva Táýelsizdiktiń nyǵaiýyna úles qosqan jastar týraly aitty, dep habarlaidy QazAqparat.
«Sanaýly kúnderden keiin elimizdiń eń basty merekesi Táýelsizdik kúnin atap ótemiz. Biyl elimiz úshin tarihi máni men mańyzy zor el Táýelsizdiginiń 30 jyldyq mejesin baǵyndyryp otyrmyz. Árine, búgingi kúnniń jetistigi ońai kelgen joq. 30 jyldyq damýda, Elbasy aitqandai, tabystarmen qatar qiyndyqtar da az bolmady. Degenmen elimizdiń Tuńǵysh Prezidenti-Elbasynyń kemergerliginiń arqasynda Táýelsiz Qazaqstan óziniń strategiialyq damý baǵytyn der kezinde anyqtady. Sonyń nátijesinde qiyndyqtardy tez eńserip, damýdyń dańǵyl jolyna tústi. Sondyqtan da búgin Elbasy jáne Táýelsizdik sózderi egiz uǵymdarǵa ainaldy», - degen ministr osy jyldar ishinde ozyq oily, jan-jaqty, bilimdi, talantty ózderińiz siiaqty jas býyn qalyptasqanyn eske saldy.
«Búginde álemde «Qazaqstan qaida, qandai el», dep suraityndardyń qatary azaiyp kele jatyr. Oǵan túrli saladaǵy jetistikter kýá. Sonyń ishinde elimizdi jahanǵa tanymal etýge ólsheýsiz úles qosyp júrgen talantty jastarymyz jeterlik. Mýzykada Dimash Qudaibergen, Mariia Mýdriak, Daneliia Tóleshova, «Gremmi» cyilyǵyn jeńip alǵan Imanbek Zeikenev, sportta Gennadii Golovkin, Jánibek Álimhanuly, Daniiar Eleýsinov, shahmattan halyqaralyq grossmeister Jansaia Ábdimálik, otandyq nanovakinanyń avtorlarynyń biri, jas ǵalym Qaisar Tabyn. Bul tizimdi toqtaýsyz jalǵastyra berýge bolady. Bul sóz joq, Táýelsizdik alǵannan bastap dastar máselesiniń basty nazarda bolyp, el basshylyǵynyń talantty dastarǵa kórsetken turaqty qoldaýynyń jemisi», - dedi Aida Balaeva.
