Aqparat jáne qoǵamdyq damý ministri Aida Balaevanyń Mońǵol Respýblikasynyń bas múftii Batyrbek Hadys jáne Resei Federatsiiasy Altai aimaǵynyń bas múftii Janbolat Ohtaýbaevpen kezdesýi ótti, dep habarlaidy "Ult aqparat" atalǵan vedomstvonyń baspasóz qyzmetine silteme jasap.
Mońǵoliia men Reseiden din qyzmetkerleri Qazaqstan musylmandary dini basqarmasy uiymdastyrǵan «Táýelsiz Qazaqstan jáne islam qundylyqtary» taqyrybyndaǵy halyqaralyq ǵylymi-tájiribelik konferentsiiaǵa qatysý úshin keldi.
Kezdesý barysynda Ministr konferentsiiaǵa qatysýshy elderdegi dini ahýal bir-birine jaqyn jáne uqsas ekenin, memleketter dini birlestikterdiń qyzmetine aitarlyqtai kóńil bóletindigin atap ótti. Óz kezeginde múftiler dinbasylar arasyndaǵy yntymaqtastyqty damytý boiynsha óz usynystarymen bólisti.
Kezdesýge qatysýshylar Qazaqstan musylmandary dini basqarmasy uiymdastyrǵan Halyqaralyq ǵylymi-tájiribelik konferentsiia dialog pen odan ári yntymaqtastyqty damytýdaǵy ashyqtyq deńgeiin kórsetetinin aitty.
