QR Aqparat jáne qoǵamdyq damý ministri Aida Balaeva qazaqstandyqtardy Qurban ait merkesimen quttyqtady, dep habarlaidy "Ult aqparat".
Aida Balaeva óz quttyqtaýynda zamana talaptary ózgerse de izgilik, mahabbat pen adamgershilik qymbat qundylyqtarymyz bolyp qala beretindigi týraly aitty.
«Sońǵy ailarda bizdiń ómirimiz kúrt ózgerdi. Biz de ózgerdik. Búginge deiin, kóp mán berilmegen qundylyqtar: densaýlyq, jaqyndarymyzdyń amandyǵy, qarapaiym qarym-qatynas eń basty ári qymbat qundylyqtar ekenin ómir bizge taǵy bir ret dáleldedi... Biraq zamana talaptary ózgerse de – izgilik, mahabbat pen adamgershilik, dostyq pen kelisim máńgilik qymbat qundylyqtarymyz bolyp qala beredi», - dep jazdy ministr áleýmettik jelidegi paraqshasynda.
Sondai-aq, ministr qazir qonaqqa barý, merekelik jáne dástúrli sharalardy ótkizýde jańa erejeler talabyn oryndaý mańyzdylyǵyn eskertti.
