Búgin QR Aqparat jáne qoǵamdyq damý ministri Aida Balaeva BUU-nyń QR-daǵy Turaqty úilestirýshisi Mikaela Friberg-Storimen kezdesti, dep habarlaidy "Ult aqparat" ministrlikke silteme jasap.
Áńgimelesý barysynda A.Balaeva BUU-nyń Qazaqstandaǵy Turaqty úilestirýshisin Ministrliktiń jetekshilik etetin salalary boiynsha júrgizilip jatqan jumystar týraly habardar etti.
Óz kezeginde Mikaela Friberg-Stori Ministrliktiń jumysyna oń baǵa berip, BUU-nyń 27 agenttiginiń atynan birlesken jumysqa qoldaý kórsetýge daiyn ekenin bildirdi. Sonymen qatar, ol Qazaqstannyń BUU-ǵa kirýiniń 30 jyldyǵyn merekeleý jónindegi is-sharalarǵa daiyndyq barysy týraly habarlady.
Kezdesý qorytyndysy boiynsha taraptar jemisti ózara is-qimylǵa, onyń ishinde birlesken jobalardy iske asyrýǵa ózara yqylasyn maquldady.
