QR Prezidenti Ákimshiligi Ishki saiasat bóliminiń meńgerýshisi Aida Balaeva elordada ótip jatqan VIII Azamattyq forýmda azamattyq sektordyń keleshegi týraly áńgime órbitti, dep habarlaidy QazAqparat tilshisi.
Azamattyq forým barysynda «Men senemin» taqyrybynda sessiia jumysy ótti. Oǵan belgili telejúrgizýshi Dana Nurjigit moderatorlyq jasap, azamattyq sektordyń bolashaǵy jaily áńgimege QR Prezidenti Ákimshiligi Ishki saiasat bóliminiń meńgerýshisi Aida Balaevany tartty.
«Qazirgi tańda álemdik saiasatta, qoǵamdyq bastamalarda áielderdiń belsendiligi týraly kóp aitylady. Bul rette, bizdiń eldegi jaǵdai qandai dep oilaisyz?», - dep suraq qoidy Dana Nurjigit.
Bul saýalǵa jaýap bergen Aida Balaeva jalpy, áielder - memlekettiń tiregi ári qoldaýy ekenin atap ótti.
«Bul týraly árdaiym Memleket basshysy da aityp keledi. Elbasy óz sózinde «isti áielderge tapsyrǵan durys, sebebi olardyń jaýapkershiligi mol» dep aityp otyrady. Sondyqtan, áielderdiń jaýapkershiligi men eńbekqorlyǵy mol ekenin aita ketý kerek. Áiel degen, eń aldymen - ana. Sol sebepti, barlyq aýqymdy tárbielik missiia áielderge júktelgen. Bizdiń muǵalimder men tárbieshiler, analarymyz shynynda da, balalarymyzdyń ishki dúniesin qalyptastyryp, sol arqyly qoǵamnyń irgesin qalaidy. Búgingi tańda barlyq áielderge qandai jumyspen ainalysýdy jón dep tapsa da, barlyq jaǵdai jasalǵan. Er bolsyn, áiel bolsyn elimizdegi jaýapkershiligi mol kez kelgen azamat óz maqsatyna jete alady. Memlekettik qyzmette de, jýrnalistikada da, úkimettik emes uiymdarda da, barlyq salada... Sondyqtan, áielder, álbette - bizdiń memlekettiń tiregi», - dedi Aida Balaeva.
Sonymen qatar Dana Nurjigit azamattyq sektordy kútip turǵan ózgeristerge qatysty Aida Balaevanyń pikirin surady.
«Meniń oiymsha, ózgerister kúni erteń bastalyp ketýi kerek. Tipti búgin de... Sebebi, meniń esepteýimshe, osy forýmdaǵy bizdiń kezdesý kóptegen mańyzdy ári áleýmettik máselelerdi sheshýge baǵyttalǵan naqty sharalardy ázirleýge múmkindik beredi. Tiisinshe, bul sharalar óte tiimdi bolýy kerek. Óitkeni, bári de bir-birin ózara aqparattandyryp is atqarsa - maqsat oryndalady. Bizdiń osylai jinalyp, máselelerdi talqylaýymyzdyń mańyzy zor. Basty qundylyǵymyz - azamattardyń amandyǵy men turaqtylyǵy. Árbir kezdesýimiz - birlesken jumystarymyzdy jetildire túsip, dialogymyz konstrýktivti bola túser degen senimdemin», - dedi Aida Balaeva.
Buǵan deiin habarlaǵanymyzdai, Astanada VIII Azamattyq forým ótip jatyr. Elbasynyń qatysýy kútiletin aýqymdy shara eki kúnge sozylady.
.jpeg)