15 mamyrda Aqparat jáne qoǵamdyq damý ministri Aida Balaeva «Qazaqstannyń Azamattyq aliansy» zańdy tulǵalar birlestigi prezidenti Asylbek Qojahmetovpen kezdesti, dep habarlaidy "Ult aqparat" ministrliktiń baspasóz qyzmetine silteme jasap.
Kezdesý barysynda Qazaqstannyń Azamattyq aliansy strategiialyq damýynyń basym baǵyttary, memlekettik organdardyń ÚEU-men ózara is-qimyly men yntymaqtastyǵyn jandandyrý, azamattyq qoǵamnyń damý bolashaǵy, IX Qazaqstan Azamattyq forýmyn uiymdastyrý jáne basqa da ózekti máseleler talqylandy.
«Memleket basshysy Qasym-Jomart Toqaev sailaýaldy baǵdarlamasynda qoǵamdyq dialogty nyǵaitýdyń jáne «Halyq únine qulaq asatyn memleket» tujyrymdamasyn júzege asyrýdyń mańyzdylyǵyn atap ótti. Osy jaǵdaida Azamattyq alians pen onyń quramyna kiretin uiymdar bizge belsendi qoldaý bildiredi dep senemiz», - dep atap ótti Aida Balaeva.
Kezdesý qorytyndysy boiynsha memlekettik organdar men azamattyq qoǵam arasyndaǵy qoǵamdyq dialog pen júieli kommýnikatsiiany damytý boiynsha ózara is-qimyldyń negizgi baǵyttary aiqyndaldy.
