QR Prezidenti Ákimshiliginiń ishki saiasat bólimi meńgerýshisi Aida Balaeva el astanasynyń "Nur-Sultan" bolyp ózgerýine qatysty pikir bildirdi. Bul týraly ol óziniń feisbýktaǵy jeke paraqshasynda jazdy.
Aida Ǵalymqyzy elordanyń ataýyn ózgertýge qatysty bastamaǵa qoldaý bildire otyryp, el egemendigin alǵan tustaǵy Astananyń alǵash kóshirilýin taǵy bir márte eske alyp ótti.
"Aqmolanyń Astana bolyp ózgerýine qatysty kúdik pen kúmán az bolmady. Bul qadamnyń nátijeli bolýyna kópshilik sene qoimady. Kez kelgen sheshimniń jaqtaýshylary men dattaýshylary bar ekendigin túsiný óte mańyzdy. Sol sebepti, Elbasymyzdyń airyqsha tarihi eńbegine ulttyń qurmeti retinde jańa bastamany qoldaý zańdy dep oilaimyn. Nursultan Ábishuly tek qana Táýelsiz Qazaqstannyń negizin qalaýshy ǵana emes, Táýelsiz Qazaqstannyń simvoly - jańa astananyń irgesin qalaýshy-arhitektory. Eger Elbasynyń jańa astanany salýdaǵy qajyrly qadamy men kóregendiligi bolmasa, bizdiń búgingi áńgimemizdiń máni bolmaityn edi, - deidi ol.
