Foto: El.kz
QR Mádeniet jáne aqparat ministri Aida Balaeva elimizde mamyr aiynyń ár ekinshi jeksenbisinde toilanatyn Analar kúniniń ereksheligin atady, dep habarlaidy Ult.kz.
Ministrdiń aitýynsha, álemde Analar kúnin atap ótý tarihy 100 jyldan asady. Búginde mereke álemniń kóptegen elderinde resmi mártebege ie jáne memlekettik deńgeide atalyp ótedi.
"Shynynda da, áielderdiń qoǵamdaǵy róli san qyrly. Olar otbasyna, balalarǵa qamqorlyq jasaidy, jańa urpaqty tárbieleidi, eldiń qoǵamdyq ómirine belsene qatysady.
Umai ana, Domalaq ana, Rabiia Sultan Begim, Aiǵanym, Zere, Uljan jáne basqa da kóptegen qazaqtyń uly analary – ana mahabbaty men qoldaýy uly tulǵalardyń minezi men taǵdyryn qalyptastyratynynyń jarqyn mysaldary", - dep atap ótti ol.
Aida Balaeva bul kún analarymyzben ótkizgen árbir sáttiń qanshalyqty qymbat ekenin eske salyp, olardy qurmetteýdiń mańyzdylyǵyn uǵyndyrady, deidi. Osy sebepti jurtshylyqqa #Anaǵaqurmet heshtegin paidalanyp, post jazýdy usyndy.
"Halyqty keńinen habardar etý jáne analarǵa degen súiispenshilik pen rizashylyqtaryńyzdy bildirý maqsatynda áleýmettik jelilerde #Anaǵaqurmet heshtegin paidalanyp, post jazýdy usynamyn.
Estafetany QR Prezidenti janyndaǵy Áielder isteri jáne otbasylyq-demografiialyq saiasat jónindegi Ulttyq komissiia múshelerine, mádeniet qairatkerlerine, BAQ, ÚEU ókilderine, qoǵam qairatkerleri men barlyq qazaqstandyqtarǵa joldaimyn", - dep jazdy ministr.
Qasym-Jomart Toqaev analar kúnimen quttyqtap, óz anasy týraly esteligin bólisti.
