© Photo: Qazaq oil baspasóz qyzmeti
Energetika ministri Almasadam Sátqaliev qordyń jetispeýinen AI-95 markaly benzin qymbattaýy múmkin ekenin málimdedi, dep habarlaidy Sputnik Qazaqstan.
Onyń aitýynsha, AI-92 benzini elimizde jetkilikti. Munai óńdeý zaýyttary men munai bazalarynda 23 kúnge jetetin qor tur.
"Bizde AI-95 benzini boiynsha belgili bir táýekelder paida boldy. Onyń baǵasy ósýi múmkin, biraq bul - rettelmeitin sala, óitkeni jazǵy maýsymda saparlar sany artady, ásirese kýrortty aimaqtarǵa. Osyǵan bailanysty biz dál osy 95-shi benzin boiynsha táýekelderdi baiqap otyrmyz", - dedi Sátqaliev Úkimet kýlýarynda.
Ol ministrlik jaǵdaidy baqylaýda ustap otyrǵanyn atap ótti. Kórshi Reseiden AI-95 benzininiń qajetti kólemin importtaý boiynsha munai óńdeý uiymdarymen jáne jelilik kompaniialarmen jiyn ótken.
