Bilim jáne ǵylym ministrligi Qazaqstanda aǵylshyn tildi muǵalimderdi daiarlaý jáne aǵylshyn tilinde oqytý júiesine kóshý kestesin kelesi jyly ózgertedi, - dep habarlady bilim jáne ǵylym ministri Erlan Saǵadiev.
Beisenbide senatta 2018-2020 jyldarǵa arnalǵan respýblikalyq biýdjet jobasyn talqylaý kezinde sóilegen Saǵadiev respýblikada biyl muǵalimderdi aǵylshyn tilinde sabaq berýge daiarlaý jáne aǵylshyn tilinde oqytýǵa kóshý tájiribesi júrgizile bastaǵanyn aitty. "Kelesi jyly biylǵy jyl sońynda osy tájiribe nátijesinde alynǵan málimetter boiynsha muǵalimder daiarlaý men aǵylshyn tilinde oqytý kestesin kópshilik talqysyna salyp, ózgertemiz" dedi Saǵadiev.
Ministrdiń sózinshe, 2017 jyly elde tájiribe aiasynda bir jarym myń muǵalim aǵylshyn tilinde sabaq bere bastaǵan. Ol qazir atalǵan muǵalimderdiń tájiribesi engizilip jatqan tusta jańa pánder zerttelip jatqanyn aitty.
Erlan Saǵadiev aǵylshyn tilin talap etilgen deńgeide meńgergen muǵalimderdiń jalaqysyna ústeme qosylatynyn, al muǵalimderdi aǵylshyn tilinde sabaq berýge daiyndaýǵa bólinetin qarjy jyl saiyn ulǵaitylatynyn aitty.
