بٸلٸم جەنە عىلىم مينيسترلٸگٸ قازاقستاندا اعىلشىن تٸلدٸ مۇعالٸمدەردٸ دايارلاۋ جەنە اعىلشىن تٸلٸندە وقىتۋ جٷيەسٸنە كٶشۋ كەستەسٸن كەلەسٸ جىلى ٶزگەرتەدٸ, - دەپ حابارلادى بٸلٸم جەنە عىلىم مينيسترٸ ەرلان ساعاديەۆ.
بەيسەنبٸدە سەناتتا 2018-2020 جىلدارعا ارنالعان رەسپۋبليكالىق بيۋدجەت جوباسىن تالقىلاۋ كەزٸندە سٶيلەگەن ساعاديەۆ رەسپۋبليكادا بيىل مۇعالٸمدەردٸ اعىلشىن تٸلٸندە ساباق بەرۋگە دايارلاۋ جەنە اعىلشىن تٸلٸندە وقىتۋعا كٶشۋ تەجٸريبەسٸ جٷرگٸزٸلە باستاعانىن ايتتى. "كەلەسٸ جىلى بيىلعى جىل سوڭىندا وسى تەجٸريبە نەتيجەسٸندە الىنعان مەلٸمەتتەر بويىنشا مۇعالٸمدەر دايارلاۋ مەن اعىلشىن تٸلٸندە وقىتۋ كەستەسٸن كٶپشٸلٸك تالقىسىنا سالىپ, ٶزگەرتەمٸز" دەدٸ ساعاديەۆ.
مينيستردٸڭ سٶزٸنشە, 2017 جىلى ەلدە تەجٸريبە اياسىندا بٸر جارىم مىڭ مۇعالٸم اعىلشىن تٸلٸندە ساباق بەرە باستاعان. ول قازٸر اتالعان مۇعالٸمدەردٸڭ تەجٸريبەسٸ ەنگٸزٸلٸپ جاتقان تۇستا جاڭا پەندەر زەرتتەلٸپ جاتقانىن ايتتى.
ەرلان ساعاديەۆ اعىلشىن تٸلٸن تالاپ ەتٸلگەن دەڭگەيدە مەڭگەرگەن مۇعالٸمدەردٸڭ جالاقىسىنا ٷستەمە قوسىلاتىنىن, ال مۇعالٸمدەردٸ اعىلشىن تٸلٸندە ساباق بەرۋگە دايىنداۋعا بٶلٸنەتٸن قارجى جىل سايىن ۇلعايتىلاتىنىن ايتتى.
