Senattaǵy parlamenttik tyńdaýda Aýyl sharýashylyǵy ministri Erbol Qarashókeev saladaǵy ulttyq jobanyń negizgi mindetterin atady, dep habarlaidy QazAqparat.
«Aýyl sharýashylyǵynda barlyq belgilengen mindetter men sharalar aǵymdaǵy jyldyń sońyna deiin qabyldanatyn 2030 jylǵa deiin agroónerkásiptik keshendi damytý Kontseptsiiasynyń jobasynda kórinis tapty. Sondai-aq, Memleket basshysynyń tapsyrmasy boiynsha 2021 – 2025 jyldarǵa arnalǵan agroónerkásiptik keshendi damytý jónindegi Ulttyq joba bekitilip, iske asyryla bastady», - dedi E. Qarashókeev «Aýyl sharýashylyǵyn damytýdyń ózekti máseleleri men perspektivalary» taqyrybyna arnalǵan parlamenttik tyńdaýda.
Ulttyq jobanyń negizgi mindetteri:
- birinshiden, aýyl sharýashylyǵyndaǵy eńbek ónimdiligin 2,5 esege arttyrý;
- ekinshiden, otandyq óndiristiń azyq-túlik taýarlarynyń negizgi túrleri boiynsha eldiń ózin-ózi qamtamasyz etýine qol jetkizý;
- úshinshiden, óńdelgen ónimniń úlesin 70%-ǵa deiin jetkize otyryp, agroónerkásiptik keshen ónimderiniń eksportyn 2 esege ulǵaitý;
- tórtinshiden, 7 iri ekojúieni qalyptastyrý jáne investitsiialyq jobalardy iske asyrý esebinen 1 mln aýyl turǵyndarynyń tabysyn turaqty arttyrý.
«Osy mindetterdi sheshý úshin 4,1 trln teńge somasyna keminde 582 investitsiialyq joba iske asyrylatyn bolady», - dedi ministr.
