2020 jyldyń 4 aiynda agroónerkásiptik keshen salasy turaqty ósip keledi. Bul týraly QR Aýyl sharýashylyǵy ministri Saparhan Omarov esep berý kezdesýinde aitty, dep habarlaidy "Ult aqparat".
«Koronavirýs pandemiiasy saldarynan oryn alǵan daǵdarysqa qaramastan, osy jyldyń 4 aiynyń qorytyndysy boiynsha agroónerkásiptik keshen salasynda turaqty jaǵdai saqtalýda. Aýyl sharýashylyǵynyń jalpy ónim kólemi 2,2 paiyz ulǵaidy, tamaq ónimderin óndirý kólemi 2,4 paiyzǵa ósti», - dedi ministr Ortalyq kommýnikatsiialar qyzmetindegi kezdesý barysynda.
Onyń dereginshe, aýyl sharýashylyǵynyń negizgi kapitalyna salynǵan investitsiialar 10,1 paiyzǵa ulǵaiyp, 98,4 mlrd teńgeni, tamaq ónimderin óndirý kólemi 14,9 paiyzǵa ósip, 20,6 mlrd teńgeni qurady.
«Mal sharýashylyǵynda jalpy ónim shyǵarý 2,3 paiyzǵa kóterildi. Óndiris kóleminiń ósýi et óndirisiniń 3,6, súttiń 3,2 paiyzǵa ósýimen bailanysty boldy. Ósimdik sharýashylyǵynda 2020 jyldyń kóktemgi dala jumystarynyń ýaqytynda júrgizilýin qamtamasyz etý úshin barlyq qajetti sharalar qabyldanyp, búgingi kúni egis jumystary aiaqtalýǵa jaqyn qaldy», - dedi Saparhan Omarov.
