2020 جىلدىڭ 4 ايىندا اگروٶنەركەسٸپتٸك كەشەن سالاسى تۇراقتى ٶسٸپ كەلەدٸ. بۇل تۋرالى قر اۋىل شارۋاشىلىعى مينيسترٸ ساپارحان وماروۆ ەسەپ بەرۋ كەزدەسۋٸندە ايتتى, دەپ حابارلايدى "ۇلت اقپارات".
«كوروناۆيرۋس پاندەميياسى سالدارىنان ورىن العان داعدارىسقا قاراماستان, وسى جىلدىڭ 4 ايىنىڭ قورىتىندىسى بويىنشا اگروٶنەركەسٸپتٸك كەشەن سالاسىندا تۇراقتى جاعداي ساقتالۋدا. اۋىل شارۋاشىلىعىنىڭ جالپى ٶنٸم كٶلەمٸ 2,2 پايىز ۇلعايدى, تاماق ٶنٸمدەرٸن ٶندٸرۋ كٶلەمٸ 2,4 پايىزعا ٶستٸ», - دەدٸ مينيستر ورتالىق كوممۋنيكاتسييالار قىزمەتٸندەگٸ كەزدەسۋ بارىسىندا.
ونىڭ دەرەگٸنشە, اۋىل شارۋاشىلىعىنىڭ نەگٸزگٸ كاپيتالىنا سالىنعان ينۆەستيتسييالار 10,1 پايىزعا ۇلعايىپ, 98,4 ملرد تەڭگەنٸ, تاماق ٶنٸمدەرٸن ٶندٸرۋ كٶلەمٸ 14,9 پايىزعا ٶسٸپ, 20,6 ملرد تەڭگەنٸ قۇرادى.
«مال شارۋاشىلىعىندا جالپى ٶنٸم شىعارۋ 2,3 پايىزعا كٶتەرٸلدٸ. ٶندٸرٸس كٶلەمٸنٸڭ ٶسۋٸ ەت ٶندٸرٸسٸنٸڭ 3,6, سٷتتٸڭ 3,2 پايىزعا ٶسۋٸمەن بايلانىستى بولدى. ٶسٸمدٸك شارۋاشىلىعىندا 2020 جىلدىڭ كٶكتەمگٸ دالا جۇمىستارىنىڭ ۋاقىتىندا جٷرگٸزٸلۋٸن قامتاماسىز ەتۋ ٷشٸن بارلىق قاجەتتٸ شارالار قابىلدانىپ, بٷگٸنگٸ كٷنٸ ەگٸس جۇمىستارى اياقتالۋعا جاقىن قالدى», - دەدٸ ساپارحان وماروۆ.
