QR Parlamenti Senatynyń depýtaty Dúisenǵazy Mýsin mamandandyrylǵan «Agrarlyq telearna» ashý qajet ekenin aitty, dep habarlaidy QazAqparat.
«Aýyldyq eldi mekenderdi damytýdyń túiindi máseleleriniń biri – aqparattyq qamtamasyz etýdi jańa sapalyq deńgeige shyǵarý. Aýyl eńbekkerleri ozyq tehnologiialar, memlekettik qoldaý sharalary, zańnamalyq bazadaǵy ózgerister, naryq marketingi týraly habardar etilýi tiis. Sondyqtan agrarlyq ǵylym men ozyq tájiribeni, eńbek adamynyń beinesin nasihattaityn kórsetilimderdiń mańyzy óte zor.
Osy oraida, arnaiy mamandandyrylǵan «Agrarlyq telearna» ashý qajet dep sanaimyz», - dedi depýtat Senatta agroónerkásiptik keshendi damytý taqyrybyna arnalǵan parlamenttik tyńdaýda.
Budan buryn habarlanǵandai, Dúisenǵazy Mýsin aýyl sharýashylyǵynda sýbsidiialaý erejeleriniń jii ózgerýi salanyń damýyna keri áserin tigizip jatqanyn aitty.
Munymen qosa ol «QazAgro» holdingin saýyqtyrý mańyzdy ekenin aitty.
Senatordyń paiymynsha, memlekettik biokombinattyń bolýynyń strategiialyq mańyzy zor
