Agrarlyq nesie korporatsiiasynyń burynǵy basshysy birneshe ret para alǵany úshin 7 jylǵa sottaldy. Bul týraly AntikorNEWS alańynda QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov aitty, dep habarlaidy QazAqparat.
Ótken jyldyń 7 jeltoqsanynda Nur-Sultan qalasy Baiqońyr aýdany №2 sotynyń úkimimen buryn «Agrarlyq nesie korporatsiiasy» AQ basqarma tóraǵasy qyzmetin atqarǵan «Ońtústik» óńirlik investitsiia ortalyǵy» JShS basqarma tóraǵasy N.Q.Sarybaev 7 jylǵa bas bostandyǵynan aiyryldy.
«Ol atalǵan kompaniialardyń qarajatyn ekinshi deńgeidegi bankterge ornalastyrý maqsatynda birneshe ret para alǵany úshin kináli dep tanyldy», - deidi QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov.
Onyń aitýynsha, paranyń jalpy somasy - 6 mln teńge.
