Premer-Ministr Asqar Mamin Májilisten túsken depýtattyq saýalǵa bergen jaýabynda «Aýyl sharýashylyǵyn qarjylai qoldaý qory» aktsionerlik qoǵamynyń fýnktsionaly qai uiymǵa beriletinin aitty, dep habarlaidy QazAqparat.
Bul týraly ol Májilis ókilderi Elnur Beisenbaev, Iýrii Jýlin pen Erlan Sairovtyń depýtattyq saýalyna bergen jaýabynda jazdy. Jaýaptaǵy málimetke súiensek, buǵan deiin «Aýyl sharýashylyǵyn qarjylai qoldaý qoryna» tiesili fiknýtsionaldyq mindetterdiń basym bóligi endi «Agrarlyq nesie korporatsiiasyna» berilmek. Qos uiymnyń quryltaishysy bolǵan «QazAgro» men «Báiterek» holdingin biriktirý sharasy osyndai sharalar qabyldaýǵa sebepker bolǵan kórinedi.
«Memleket basshysy 2020 jylǵy 1 qyrkúiektegi Qazaqstan halqyna Joldaýynda «Báiterek» UBH» AQ men «Qazagro» UBH» AQ-ny biriktirýdi tapsyrdy. Agroónerkásiptik keshenniń strategiialyq mańyzdylyǵyn eskere otyryp jáne bir uiym sheńberinde jinaqtalǵan salalyq jumys tájiribesin saqtaý maqsatynda «Agrarlyq nesie korporatsiiasy» AQ «Báiterek» UBH» AQ quramyndaǵy jeke enshiles uiym mártebesin saqtap qalý kerek degen sheshim qabyldandy. Ol óziniń jarǵylyq qyzmetin «Aýyl sharýashylyǵyn qarjylai qoldaý qory» AQ fýnktsionalynyń bir bóligimen tolyqtyrady. Sondai-aq mikrokreditteýmen «Atameken» UKP men jergilikti atqarýshy organdardyń qatysýymen qurylatyn mikroqarjylyq uiymdar aýyldaǵy qosymsha ainalysady», - dep jazylǵan Úkimet basshysynyń jaýabynda.
