QR Sybailas jemqorlyqqa qarsy kúres agenttigi tóraǵasynyń birinshi orynbasary Oljas Bektenov Sý resýrstary komitetiniń burynǵy basshysy Islam Ábishevke qatysty qylmystyq is boiynsha pikir bildirdi, dep habarlaidy QazAqparat.
«Ekologiia, geologiia jáne tabiǵi resýrstar ministrliginiń salalary jemqorlyq táýekelderine aitarlyqtai jaqyn. Ókinishke qarai, bizdiń tájiribede de atalǵan salalardyń qyzmetkerleri tarapynan sybailas jemqorlyq faktileri anyqtaldy. Ózderińiz biletindei, Sý resýrstary komitetinde de aitarlyqtai salmaqty quqyqbuzýshylyq anyqtalǵan bolatyn. Qazirgi ýaqytta atalmysh komitettiń tóraǵasy tergelýde. Para alý faktisi boiynsha qylmystyq is aiaqtalýǵa jaqyn qaldy. Sot bul iske jaqyn arada núkte qoiady», - dedi Oljas Bektenov Ekologiia, geologiia jáne tabiǵi resýrstar ministrliginde ótken alqa otyrysynda.
Aita ketsek, atalmysh otyrysta Qazaqstannyń Ekologiia, geologiia jáne tabiǵi resýrstar ministri Maǵzum Myrzaǵaliev pen Oljas Bektenov ministrlikte «Adaldyq alańy» jobalyq keńsesin ashý týraly tiisti qujatqa qol qoidy.
Eske sala ketsek, osy jyldyń naýryz aiynda QR Aýyl sharýashylyǵy ministrligi Sý resýrstary komitetiniń (sol tusta komitet AShM-ge qaraǵan) tóraǵasy Islam Ábishev qamaýǵa alynǵan bolatyn. Islam Ábishevke jemqorlyqqa qylmysyna qatysty birqatar aiyp taǵylyp otyr.
