Almaty oblysy ákiminiń orynbasary bolǵan Baǵdat Manzorovqa qatysty tergeý jalǵasýda, dep habarlaidy "Ult aqparat".
Bul týraly QR Sybailas jemqorlyqqa qarsy kúres agenttigi tóraǵasynyń birinshi orynbasary Oljas Bektenov aityp berdi.
«Sotqa deiingi tergeý jumystary jalǵasýda. B. Manzorovqa QR Qylmystyq Kodeksiniń 190-baby, 2-bóligi, 2-tarmaǵy «Laýazymyn paidalaný arqyly asa iri kólemdegi alaiaqtyq» aiyby taǵylyp otyr. Tergeýshi kúdiktini úiqamaqta ustaý túrinde bultartpas sharasyn qoldaný týraly prokýratýraǵa ótinim berdi. Qalǵan aqparat Qylmystyq-protsessýaldyq kodeks talaptaryna sáikes tartylmaidy», - dedi Oljas Bektenov.
Eske salsaq, Almaty oblysy ákiminiń orynbasary Baǵdat Manzorov ustalǵany týraly buǵan deiin habarlaǵan bolatynbyz.
