Aqtóbedegi munai urlaý isi boiynsha kúdikti Erkin Izbasar tergeý izoliatorynan aýrýhanaǵa aýystyryldy. Bul týraly kaz.tengrinews.kz tilshisine "Aǵaiyndy tórteý" qylmystyq tobynyń jetekshisiniń advokaty Serik Sársenov habarlady.
"Ol temirjol aýrýhanasyna jatqyzyldy. Tergeý izoliatorynda eshqandai da jaǵdai joq. Ol júre almaidy. Ázirshe, sonda bolady", - dedi advokat Serik Sársenov.
Advokattyń aitýynsha, qazirgi ýaqytta sot-meditsinalyq saraptamalar júrgizilip jatyr. Saraptama nátijesi boiynsha Erkin Izbasar tergeý izoliatorynda bola ala ma, joq pa - sol másele belgili bolady. Aita keteiik, "Aǵaiyndy tórteý" qylmystyq tobynyń basshysy delingen 50 jastaǵy Izbasar múgedekter arbasyna tanylǵan. Advokattyń aitýynsha, ol - birinshi toptaǵy múgedek.
"Sot-meditsinalyq sarapshylar onyń osyndai naýqas bola turyp, ári qarai tergeý izoliatorynda bola ala jáne ol onda qajetti meditsinalyq kómekti ala, joq pa osy suraqtarǵa jaýap berýi tiis", - dep túsindirdi Serik Sársenov.
Eske salaiyq, Erkin Izbasar Aqtóbedegi munai bazasynyń territoriiasynda iri arnaiy operatsiia júrgen kúni Almatyda ustalǵan bolatyn. Uiymdasqan qylmystyq toptyń liderimen birge onyń oqqaǵary men júrgizýshisi ustalǵan edi. Al keshe munai urlaýmen ainalysqan qylmystyq toptyń jetekshisi Aqtóbege UQK ushaǵymenjetkizildi.
