Ulttyq qoǵamdyq senim keńesiniń múshesi Qaiyrbek Arystanbekov máslihat sailaýyndaǵy jastarǵa arnalǵan 30 paiyzdyq kvota týraly pikir bildirdi, dep habarlaidy QazAqparat.
«Tabiǵatta adamzat úsh topqa bólinedi. Jas býyn, orta býyn, sosyn kári býyn. Osy býynnyń proportsiiasy, tepe-teńdigi bolmasa, qoǵamnyń shapshań damýy bolmaidy, ekonomikalyq ósý qarqyny joǵary bolmaidy jáne basqa áleýmettik bastamalar qoldaý tappaidy. Sondyqtan, búgingi otyrysta Prezidenttiń osy máselege erekshe toqtalǵany óte qýantady. Sebebi, osy kúnge deiin bizde búkil máslihat boiynsha jastardyń sany 60-aq adam ekenin aitty», - dedi Q. Arystanbekov elordada tilshilerge bergen suhbatynda.
Sonymen birge sarapshy «aǵashkalar ekonomikasy» tómendep, jastardyń múddesi aldyńǵy qatarǵa qoiylatynyn aitty.
«Jastar arasynda «aǵashkalar ekonomikasy» degen uǵym bar. Ol degenimiz – jergilikti máslihat boiynsha kári býyn basqaryp, ózderi biýdjetti bólip, saiasat júrgizip keldi. Endi Prezident neni aityp otyr, kári býynǵa qosa, orta býyndy, sosyn jas býyndy qosý kerek. Sonda joǵaryda aitqan tepe-teńdik saqtalady. Bul, basqa áleýmettik toptardyń múddesin shekteý emes, buryn eskerilmei qalǵan jastardyń múddesi aldyńǵy qatarǵa qoiylady dep oilaimyn. Bul ulttyq múddemizge sáikes keledi dep oilaimyn.
