Búkilálemdik «World Sleanup Day» ekologiialyq aktsiiasy aiasynda Nur-Sultan qalasyndaǵy jańa park aýmaǵyna aǵash otyrǵyzyldy, dep habarlaidy QazAqparat.
Ekologiia ministrliginiń bastamasymen bul jyly aktsiia bir ýaqytta búkil óńirde ótip jatyr. Shara aiasynda elordadaǵy triatlon-saiabaqta aǵashtar otyrǵyzylyp, avtomobil joldary boiyndaǵy qoqystar jinaldy. Aktsiia kezinde sanitarlyq-epidemiologiialyq talaptar saqtaldy.
«Bul Prezident Qasym-Jomart Toqaevtyń Joldaýynda aitylǵan orman alqaptarynda 2 mlrd, eldi mekenderde 15 mln aǵash otyrǵyzý tapsyrmasyn oryndaýǵa baǵyttalǵan búkilhalyqtyq aktsiianyń tek bastamasy. Aǵash otyrǵyzý el boiynsha áli jalǵasyn tabady. Negizinen osy jerde, Elorda ortalyǵynda jańa park bolady. Bolashaqta bul aǵashtar sportshylardy jelden qorǵaidy. Azamattar jii keletin, demalýǵa yńǵaily, ári ádemi orynǵa ainalady. Qorshaǵan ortanyń jaqsarýyna áserin tigizedi»,- dedi shara aiasynda Ekologiia, geologiia, geologiia jáne tabiǵi resýrstar ministri Maǵzum Myrzaǵaliev.
Senbilikke sonymen birge Parlament Senatynyń tóraǵasy Máýlen Áshimbaev, Nur-Sultan qalasynyń ákimi Altai Kólginov, Májilis tóraǵasynyń orynbasary V.Bojko, qoǵam qairatkerleri, sportshylar men qala turǵyndary qatysty.
«Birge-Taza Qazaqstan» aktsiiasy Qazaqstannyń barlyq óńirlerinde volonterlardyń, eko-belsendilerdiń qatysýymen ótip jatyr.
