Foto: pexels.com
Mańǵystaý oblysynda ornalasqan 25744 áskeri bóliminiń 1-shabýyl batalonynyń órt qoldaý rotasynyń aǵa serjanty sot aldyna keldi, dep habarlaidy "Diapazon".
Áskeri qyzmetshiniń jasaǵan áreketteri, jumsartyp aitqanda, eldiń qarýly kúshteriniń bedeline nuqsan keltiredi.
Aiyptaýǵa sáikes, ol sarbazdardyń jatyn bólmesine kirip, úsh merzimdi qyzmettegi sarbazdyń basyna judyryqpen soqqy jasaǵan. Onyń mundai áreketine sebep retinde sarbazdyń kazarma dálizinde onyń ruqsatynsyz júrgeni aitylǵan. Basqa jaǵdaida ol shtýrm batalonynyń sarbazyn "nasybai" qoldanǵanyn baiqap, úsh sarbazdy shapalaqpen uryp, taǵy ekeýiniń basyna judyryq jumsaǵan.
Ol "bilikti asyra paidalaný" baby boiynsha sottaldy. Aiyptalýshy óz kinásin tolyq moiyndaǵanymen, jábirlenýshilerdiń keshiriminiń arqasynda jazaǵa tartylmady. Alty áskeri qyzmetshi serjantqa shaǵymy joq ekenin aityp, taraptardyń kelisimi boiynsha qylmystyq jaýapkershilikten bosatýdy surady.
Sot munymen kelisip, 27 jastaǵy Niiaz A. aǵa serjantty taraptardyń kelisimimen qylmystyq jaýapkershilikten bosatty.
