Qurlyqtyń ekonomikasyn 2023 jyldyń sońyna deiin jańa koronavirýs pandemiiasy keltirgen zalaldan qalpyna keltirý úshin Afrika elderine 1,2 trillion AQSh dollary qajet. Bul týraly senbide Halyqaralyq valiýta qorynyń (HVQ) basqarýshy direktory Kristalina Georgieva málim etti, dep habarlaidy News24 jergilikti jańalyqtar qyzmeti.
«Afrika kelesi kezeńge tótep berýi úshin qoldaý qajet, onyń máni – qazirgi daǵdarystan shyǵý», - dep málimdedi HVQ basqarýshy direktory.
Georgievanyń aitýynsha, halyqaralyq institýttar men jekelegen memleketterdiń Afrikaǵa qarjylai kómek kórsetý jónindegi mindettemeleri qajetti somanyń 25%-yna da jetpeidi.
HVQ baǵalaýy boiynsha biyl Afrika memleketteriniń jalpy JIÓ 2,5%-ǵa qysqarady. Bul qurlyqtyń qazirgi tarihyndaǵy eń nashar quldyraý kórsetkishiniń biri bolmaq, deidi sarapshylar.
Qazirgi ýaqytta Afrikada jańa koronavirýs juqtyrǵandardyń sany 1 548 867 adamǵa jetti, olardyń 37 388-i qaitys boldy.
